YEHEZKIEL 36:34 - KITTA' MATANGKASA'

³⁴ Riolo sikamma tau a'jappaya angngolo ri parang-parannu naciniki antekamma roso'na anjo buttaya, mingka laKupa'jari ammotere' akkulle anjo buttaya nujama.

YEHEZKIEL 36:34 Referans Kwoze

YEHEZKIEL 6:14

Iyo, iNakke langngangkaki nai' limangKu nampa Kuancuru' pa'rasanganna ke'nanga, sa'genna a'jari sino dudu, appakkaramula battu ri parang niaka bageang timboro' sa'genna mange ri kota Ribla ri bageang wara'. Battu ri sikontu tampa'-tampa' napammantangngia tu Israel, tena manna se're lanipasalama'. Jari naassemmi sikontu taua angkanaya iNakkemi Batara.”

2 PATTOTTORANG 36:21

Kammami anjo na'rupamo apa Napaua Batara tete ri Na'bi Yeremia, angkanaya anjo pa'rasanganga la'jari kalotoroki sallang 70 taung sallona, salaku sambenna taung-taung allo Pammari-mariang tenaya nijampangi.

YEHEZKIEL 36:9

Kuagangngangko he Israel, siagang Kupattantui angkanaya lanibingkungi ammotere' buttanu siagang lanikiori bine.

YEHEZKIEL 36:33

Nakana Batara Kaminang Tinggia, “Punna le'ba' mako Kutangkasi battu ri sikontu dosanu, laKupa'biang mako ammantang ammotere' ri kota-kotanu, siagang ambangungi ammotere' battu ri rumbanna.

YEHEZKIEL 36:35

Jari sikontu taua la'jari lannasaki lanri anjo butta rosoka sumpaeng, kamma-kamma anne a'jarimi koko Eden; siagang kota-kota sinoa riolo, ancuruki siagang a'jari loromi, kamma-kamma anne a'jarimi kota-kota kassa' pattahanganna siagang jai pandudu'na.

YEHEZKIEL 5:14

La'jari mamako rapang loro-loro bawang, nampa sikontu bansa-bansa niaka ri tammulilinu lanacau-cauko; tunggala' tau allaloa la'lili ngasengi ampakabellai kalenna battu ri kau.