YEHEZKIEL 36:22 - KITTA' MATANGKASA'

²² Lanri kammana anjo, pabattui apa Kupaua, iNakke Batara Kaminang Tinggia, mae ri bansa Israel, angkana, ‘Anjo apa Kugaukanga sallang, teai lanri ikau he tu Israel, passangalinna lanri arengKu matangkasaka, ia le'baka nura'massi, manna pole kemae lampanu.

YEHEZKIEL 36:22 Referans Kwoze

PAMMUJI 106:8

Mingka Batara Napasalamaki ke'nanga lanri kalenna tonji, sollanna a'jari a'nyata kaporeanNa.

YEHEZKIEL 36:32

U'rangi, he Israel, angkanaya naKugaukang ngaseng anjo sikammaya, teai lanri ikau. Musti siri'-siriki nusa'ring siagang hinai pakkasia'nu lanri panggaukannu. INakke, Batara Kaminang Tinggia, anne akkana.’ ”

LAMPA-LAMPANA 2:36

Iaminjo saba'na namusti naasseng tojeng-tojeng sikontu bansa Israel angkanaya anjo Isa, le'baka nusalli', Iatommi anjo Isa le'baka Naangka' Allata'ala a'jari Batara siagang Karaeng Tumappasalamaka!”

PAMMUJI 109:21

Mingka Kitulunga' situru' janjinTa, o Karaeng Allata'alaku, pasalamaka' lanri kabajikanTa siagang pangngamaseanTa.

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YEHEZKIEL 20:9

Mingka tena naKugaukangi, sollanna tena nihinai arengKu ri bansa-bansa napammantangia ke'nanga. Nasaba' ri dallekanna anjo bansa-bansaya le'ba'mi Kupa'la'bang Kupau angkanaya laKuerangi bansa Israel assulu' battu ri Mesir.

YEHEZKIEL 20:44

Punna le'ba' mako Kupakamma anjo lanri kalompoanNa arengKu, na tena nasimbattala' panggaukang kodinu kammayatompa panggaukang ja'dala'nu, nuassemmi ikau tu Israel angkanaya iNakke Batara. INakke Batara Kaminang Tinggia anne akkana.”

2 KARAENG-KARAENG 19:34

LaKualleangi siagang laKula'langi kota Yerusalem lanri kala'birangKu siagang lanri parjanjiangKu siagang atangKu Daud.’ ”

YESAYA 48:11

Kugaukangi anjo kammaya untu' KalengKu, saba' taKupa'biangai arengKu nira'massi; tena Kubagei kala'birangKu manna pole ri nai.”

YEHEZKIEL 16:61

Lanuu'rangi sikamma panggaukannu siagang lasiri'-siriki nusa'ring ri wattunna Kupoterang ammotere' sikamma sari'battannu mae ri kau. LaKupa'jari ke'nanga rapang ana'-ana'nu, manna pole naanjo kammaya tantamakkai ri parjanjiangKu siagang ikau.

YEHEZKIEL 39:25

Nakana Batara Kaminang Tinggia, “Mingka kamma-kamma anne laKukamaseangi umma' Israel jari-jarina Yakub, siagang Kupa'jari kalumanynyang poleangi ke'nanga. Lanri kammana anjo Kujagaimi arengKu sollanna tuli nipakalompo.

DANIEL 9:18

Kipilangngeri laloi ikambe, o Allata'ala, Kiciniki siagang Kiparhatikangi kasessanna ikambe kammayatompa kapanrakanna kota nigallaraka situru' arenTa. Appala' doangi ikambe mae ri Katte teai lanri jasa-jasana ikambe, passangalinna lanri lompo pangngamaseanTa.