YEHEZKIEL 36:21 - KITTA' MATANGKASA'

²¹ Sanna' Kuparhatikanna anne passalaka, lanri arengKu matangkasaka nara'massimi tu Israel, manna kemae lampana ke'nanga.

YEHEZKIEL 36:21 Referans Kwoze

YESAYA 48:9

Kuparrangngi larroKu sollanna nipa'la'bang arengKu. Kutahangi untu' ikau, sollanna tena nipanrakiko.

PAMMUJI 74:18

Kiu'rangi laloi antekamma batena musunTa anghinaKi', o, Batara, bansa tenaya naassengKi' napitinai arenTa.

YEHEZKIEL 20:9

Mingka tena naKugaukangi, sollanna tena nihinai arengKu ri bansa-bansa napammantangia ke'nanga. Nasaba' ri dallekanna anjo bansa-bansaya le'ba'mi Kupa'la'bang Kupau angkanaya laKuerangi bansa Israel assulu' battu ri Mesir.

YEHEZKIEL 20:22

Mingka tena naKugaukangi sollanna tena nanihinai arengKu ri bansa-bansa ancinikai ke'nanga bansa Israel Kuerang assulu' battu ri Mesir.

YEHEZKIEL 20:14

Mingka tena naKugaukangi anjo lanri areng bajikKu, sollanna tena nihinai arengKu ri bansa-bansa ancinikiA' angngerangi bansa Israel assulu' battu ri Mesir.

YESAYA 37:35

LaKuallei siagang laKula'langi kota Yerusalem lanri kalompoang KalengKu, siagang lanri parjanjiangKu siagang atangKu Daud.’ ”

PAMMUJI 103:1

Battu ri Daud. Pujimi Batara, he nyawaku, sikontu pa'maikku, pujimi areng matangkasa'Na.

YEHEZKIEL 20:44

Punna le'ba' mako Kupakamma anjo lanri kalompoanNa arengKu, na tena nasimbattala' panggaukang kodinu kammayatompa panggaukang ja'dala'nu, nuassemmi ikau tu Israel angkanaya iNakke Batara. INakke Batara Kaminang Tinggia anne akkana.”

YEHEZKIEL 39:25

Nakana Batara Kaminang Tinggia, “Mingka kamma-kamma anne laKukamaseangi umma' Israel jari-jarina Yakub, siagang Kupa'jari kalumanynyang poleangi ke'nanga. Lanri kammana anjo Kujagaimi arengKu sollanna tuli nipakalompo.