YEHEZKIEL 36:15 - KITTA' MATANGKASA'

¹⁵ Tenamo naparallu anne buttaya allangngereki bansa-bansaya ancau-caui yareka nihina ri taua. Anne buttaya tenamo nalanatumpasa' bansa ampammantangiai. INakke, Batara Kaminang Tinggia anne akkana.’ ”

YEHEZKIEL 36:15 Referans Kwoze

YEHEZKIEL 34:29

LaKupicoppongi sikamma kokonna ke'nanga sa'genna tenamo wattu kacipurang ri anjo pa'rasanganga. Tenamo nalanihina ke'nanga ri bansa-bansa maraenga.

PAMMUJI 89:50

O, Batara, kemaeji tanra pangngamaseanTa riolo, Kipa'janjianga mae ri Daud lanri tamamminraTa?

YESAYA 60:14

Ana'-ana'na tau anjallakkangiako battui su'ju', ia le'baka anghinako la'dundui, lanigallarakko ‘KotaNa Batara’, ‘Sion, Kota Allata'ala Matangkasa'na Israel’.

YESAYA 54:4

Teako mallakki, talanipakasirikako; talanihinayako sa'gennu ammakkala' kacci. Lanukaluppai tamajarre'na tappa'nu ri wattu rungkanu; tanuu'rangiami sinona nukasia' ri wattunnu rapang janda.

ZEFANYA 2:8

Nakana Batara Kaminang Koasaya, “Kulangngere'mi bansa Moab siagang Amon anghinai siagang ancau-caui ummakKu. A'bicara tampoi ke'nanga angkanaya lanarampasaki buttana ummakKu.

YESAYA 63:13

Kemae Batara anrenrengai ke'nanga a'jappa ilalang ri je'ne' lantanga? Rapang jarang allalo ri parang lompoa, tena le'bakai tatto'ro ke'nanga.”

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEREMIA 18:15

Mingka ummakKu takkaluppami ri Nakke, nampa attunu dupa untu' barhalaya. Tatto'roi ke'nanga ri oloang mustia naolo ke'nanga riolo dudu, nampa ammengka ri oloang tenayapa nanilappari.

YEHEZKIEL 21:28

“He tau, a'boto mako! Pauangi tu Amon le'baka anghinai tu Israel, angkanaya iNakke, Batara Kaminang Tinggia, akkana, ‘Se're pa'dang sadiami untu' ammuno; anjo pa'danga le'ba'mi nikantisi' sa'genna accilla' sangkamma kila', sollanna sadia untu' ammuno.

YEHEZKIEL 36:7

INakke, Batara Kaminang Tinggia assumpA' angkanaya anjo bansa-bansaya ri tammulilinu lanihina tongi.

YEHEZKIEL 36:14

Mingka appakkaramula kamma-kamma anne tenamo nalangnganre tau anne buttaya yareka narampasaki ana'-ana'na ke'nanga. INakke Batara Kaminang Tinggia anne akkana.

YEHEZKIEL 36:16

Nakana Batara ri nakke,

YO"EL 2:19

Appialimi ri ke'nanga kamma anne, “Kamma-kamma anne Kusare ngasengko: gandung, anggoro' siagang minynya' zaitun untu' kanre-kanreang, sollannu nibassori ngaseng. Tena nalaKupa'biangko nihina yareka nikakkali ri bansa-bansaya.

PAMMUJI 123:3

Kikamaseangi ikambe, o, Batara, Kikamaseangi ikambe, saba' pinjai dudumi nihina ikambe.

YESAYA 65:19

INakke KalengKu larannuA' lanri Yerusalem, siagang late'nei pa'maikKu lanri pandudu'na. Tenamo karru' ri anjo kotaya, siagang tenamo pakkio' appala' tulung.

YEHEZKIEL 38:18

Nakana Batara Kaminang Tinggia, “Mingka tena nasallo le'ba'na Gog ambunduki Israel, lajallo'Ma'.

ZEFANYA 3:15

Nasaba' ammarimi Batara anghukkungko; le'ba'mi Nabongka ngaseng musunnu. Nila'langngiko ri Karaeng Israel, iamintu KalenNa Batara. Kamma-kamma anne tenamo nuparallu malla'.