YEHEZKIEL 36:11 - KITTA' MATANGKASA'

¹¹ Pandudu'nu siagang olo'-olo'nu laKutambai sa'genna a'jari sanna' jaina, la'bi jaiangngangi narioloa, siagang lammana'-manaki naccucu ke'nanga sanna' jaina. Lattallasaki ke'nanga anjoreng sangkamma riolo, siagang Kupa'jari kalumanynyangi, kamma tenayapa nale'ba' nukasia' rioloanganna. Jari lanaassemmi ke'nanga angkanaya iNakkemi Batara.

YEHEZKIEL 36:11 Referans Kwoze

YEREMIA 33:12

Nakana Batara Kaminang Koasaya, “Anne pa'rasangang siagang kota-kotana sangkammaya parang lompo, tena nipammantangngi ri tau yareka olo'-olo'. Mingka manna nakamma, ri bokoangallo lania' ammotere' parang-parang ruku' tampa'na taua akkalawaki gimbala'.

MIKHA 7:14

O Batara, Kikalawaki laloi ummatTa, iamintu umma' nipileTa. Ammantangi ke'nanga bella ri parang lompoa, ri tangnga-tangngana butta copponga. Lappassammi ke'nanga anggappa kanre ri parang ruku'na Basan siagang ri Gilead sangkamma jammang riolo.

YEHEZKIEL 37:13

Punna le'ba' Kugaukang sikammaya anjo, lanaassemmi ummakKu angkanaya iNakke Batara.

YEREMIA 31:27

INakke, Batara, angkana labattui wattunna pa'rasangang Israel siagang Yehuda laKupirassi tau siagang olo'-olo'.

HOSEA 2:20

LaKunikkaiko situru' janjingKu. LanuaniA' salaku Bataranu.

YEHEZKIEL 16:55

Ke'nanga siagang desa-desana ke'nanga la'jari kalumanynyangi ammotere', ikau pole siagang desa-desanu.

YEREMIA 30:18

Nakana pole Batara: “Ikau, ummakKu laKukamaseangko siagang laKupakabajiki ammotere' katallassannu ri butta passolongang cera' kalennu. Lanibangungi ammotere' Yerusalem, siagang lanipakabajiki balla' karaenna.

AYUB 42:12

Nibarakkakimi Ayub ri Allata'ala la'bi-la'biangngang pole lalang sesa tallasa'na, na ri tenanapa nale'ba' nituju ri bala. Nia' napatang Ayub barang-barang: 14.000 kayu gimbala', 6.000 kayu unta, 2.000 kayu sapi, siagang 1.000 kayu keledai.

IBRANI 11:40

nasaba' nia' ero' Nagaukang Allata'ala mae ri katte, ia la'bi bajikanganga. Ia eroka Nagaukang iamintu punna tena nasipa'rurungang ke'nanga siagang ikatte, takkulleai ke'nanga a'jari sukku' baji'na.

AMOS 9:15

LaKuboliki ummakKu ri pa'rasangang le'baka Kupassareang mae ri ke'nanga. Tenamo nalanibi'bu' ammotere' ke'nanga battu anjoreng. INakke, Karaeng Allata'alana ke'nanga anne akkana.”

YEHEZKIEL 36:35

Jari sikontu taua la'jari lannasaki lanri anjo butta rosoka sumpaeng, kamma-kamma anne a'jarimi koko Eden; siagang kota-kota sinoa riolo, ancuruki siagang a'jari loromi, kamma-kamma anne a'jarimi kota-kota kassa' pattahanganna siagang jai pandudu'na.

YESAYA 30:26

Bulanga laccayai sangkamma mataallo, siagang mataalloa la'lappi tujui singara'na ri singara' biasaya, sanrapang singara' tuju alloa nipasse're a'jari se're. Yangasenna anjo lakajarianga ri wattu Naroko'na Batara sikamma loko'na umma'Na, ia le'baka Napangngajari.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.

YEHEZKIEL 35:9

Pa'rasangannu laKupa'jari parang lompoi untu' satunggu-tungguna, siagang kota-kotanu tenamo nalanipammantangngi ri taua. Jari lanuassemmi angkanaya iNakkemi Batara.

YEHEZKIEL 37:6

Kusareko ammotere' ura'-ura' siagang assi kammayatompa Kurokokko bukkuleng. LaKusareko nappasa' sa'gennu attallasa' poleang. Jari nuassemmi angkanaya iNakkemi Batara.”

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YEHEZKIEL 37:26

LapparekKa' parjanjiang siagang ke'nanga untu' ampattantui kaamangnganna ke'nanga sa'genna satunggu-tungguna. LaKubarakkaki ke'nanga siagang laKutambai jaina ke'nanga. LaKubangungi ri pa'rasanganna ke'nanga BallakKu, lammentenga anjoreng satunggu-tungguna.

ZAKHARIA 10:8

LaKukioki ummakKu siagang Kupa'rappungi ke'nanga a'jari se're. LaKupakabebasaki ke'nanga siagang laKupa'jari jai sangkamma riolo jaina.

PAOLE 30:5

Lakkullei nupatang ammotere' butta napammantangngia boe-boenu riolo. Siagang lanipa'jari la'bi salewangangko pole, kammayatompa pila' jaiangngangi bilannu na boe-boenu riolo.

YEREMIA 23:3

Mingka sesa-sesanna ummakKu laKupasse'rei battu ri sikamma pa'rasangang tampa'na ke'nanga Kupela'. LaKuerangi ke'nanga ammotere' mange ri butta passolongang cera'na, siagang jari-jarina ke'nanga lakatambangi jaina.

YEREMIA 23:4

LangngangkaKa' pamimping untu' amparakai ke'nanga. Tenamo nalamalla' yareka annekkere' ummakKu; tenamo manna sitau ke'nanga latappela'. INakke, Batara, anne akkana.”

HOSEA 2:1

Lanri kammana anjo akkanamako ri julu bansanu “Umma'Na Allata'ala” siagang “Nikamaseanga ri Batara”.

AMOS 9:11

Nakana Batara, “Lanarapiki wattunna naKupoterang kakaraenganna Daud. Kamma-kamma anne anjo kakaraenganga kontumi balla' rumbanga. Mingka laKupakabajiki ammotere' tembo'-tembo'na siagang laKubangungi ammotere' sa'genna a'jari sangkamma riolo.

ZAKHARIA 2:8

Inai-nai ampitabaiko lima, iami ampitabai lima ana' nikarimangngingKu.” Na Nasuroma' Batara Kaminang Koasaya ampabattui anne pasanga mae ri bansa-bansa le'baka angngellaki umma'Na, angkana,