YEHEZKIEL 36:10 - KITTA' MATANGKASA'

¹⁰ LaKutambai jaina ummakKu Israel. Lammantangi ke'nanga ri kota-kotaya siagang lanabangungi ammotere' sikontu balla'na le'baka ancuru' a'jari loro.

YEHEZKIEL 36:10 Referans Kwoze

YEHEZKIEL 36:33

Nakana Batara Kaminang Tinggia, “Punna le'ba' mako Kutangkasi battu ri sikontu dosanu, laKupa'biang mako ammantang ammotere' ri kota-kotanu, siagang ambangungi ammotere' battu ri rumbanna.

YEHEZKIEL 36:37

Nakana Batara Kaminang Tinggia, “He bansa Israel, Kupa'biang mako ammotere' appala' tulung mae ri Nakke; laKutambai jainu, sanrapang pa'rappungang gimbalaka jaina.

YEREMIA 33:12

Nakana Batara Kaminang Koasaya, “Anne pa'rasangang siagang kota-kotana sangkammaya parang lompo, tena nipammantangngi ri tau yareka olo'-olo'. Mingka manna nakamma, ri bokoangallo lania' ammotere' parang-parang ruku' tampa'na taua akkalawaki gimbala'.

YEREMIA 30:19

Pandudu'na lanapujiA' siagang kelong-kelong, siagang akkio' a'rannu-rannu pa'mai'. LaKupa'jari ke'nanga nipakalompo siagang tenamo nanihinai, siagang jaina ke'nanga pila' laKutambai.

YESAYA 27:6

Ri wattu labattua sallang, bansa Israel lasanrapangi poko' kayu angngaka' siagang a'bakka', siagang napirassi tompo'na buttaya siagang rappo-rapponna.

AMOS 9:14

LaKupa'jari kalumanynyangi ammotere' ummakKu Israel. Lanabangungi ammotere' kota-kotana ke'nanga le'baka runtung, nampa ammantang ke'nanga anjoreng. Lanalamungi koko-koko anggoro'na ke'nanga, siagang nainung je'ne'na. La'lamung-lamungi ke'nanga, nampa nakanre wassele'na.

YESAYA 61:4

Lanabangungi ke'nanga kota-kota salloamo runtung nappaenteng tampa'-tampa' salloamo sino.

YESAYA 58:12

Kota salloamo rumbanna lanubangungi ammotere' irate ri pundasi sallona. Lanigallarakko ‘Bansa ambangungai ammotere' sikamma tembo' kallika siagang ampakabajikai sikamma balla' ancuruka.’ ”

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YEREMIA 31:24

Lammantangi taua ri Yehuda siagang ri desa-desana. Anjoreng lania' pamarri siagang tummarakai olo'-olo' sapi siagang gimbala'.

YEHEZKIEL 37:11

Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.

YEHEZKIEL 37:21

Nampa paui mae ri ke'nanga angkanaya iNakke, Batara Kaminang Tinggia, angngallei sikontu bansaKu battu ri sikamma pa'rasangang napa'lampaia ke'nanga. LaKupasse'rei ke'nanga siagang Kuerangi ammotere' mange ri pa'rasangang kalenna.

YEHEZKIEL 37:22

LaKupa'jari se'rei ke'nanga bansa anjoreng pa'rasanganga, ri daera monconna Israel. Laniparentai ke'nanga ri se're karaeng, siagang tenamo nalata'bage pole ke'nanga a'jari rua bansa yareka kakaraengang.

YEHEZKIEL 37:26

LapparekKa' parjanjiang siagang ke'nanga untu' ampattantui kaamangnganna ke'nanga sa'genna satunggu-tungguna. LaKubarakkaki ke'nanga siagang laKutambai jaina ke'nanga. LaKubangungi ri pa'rasanganna ke'nanga BallakKu, lammentenga anjoreng satunggu-tungguna.

YEHEZKIEL 39:25

Nakana Batara Kaminang Tinggia, “Mingka kamma-kamma anne laKukamaseangi umma' Israel jari-jarina Yakub, siagang Kupa'jari kalumanynyang poleangi ke'nanga. Lanri kammana anjo Kujagaimi arengKu sollanna tuli nipakalompo.