YEHEZKIEL 35:5 - KITTA' MATANGKASA'

⁵ Battu riolo iji nanumusu Israel siagang nulappassang ke'nanga nibuno ri wattunna nituju ri bala salaku hukkungang kala'busang mae ri dosana ke'nanga.

YEHEZKIEL 35:5 Referans Kwoze

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

AMOS 1:11

Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

YEHEZKIEL 25:12

Nakana Batara Kaminang Tinggia, “Bansa Edom le'baki nagaukang sala lompoa, lanri a'gau' pallaki mae ri Yehuda, salaku tindakang pa'balassang.

YEHEZKIEL 21:29

Anjo paccini' nucinika iamintu paccini' balle-balle, siagang anjo boto nupaua boto balle-balle todong. Ja'dalakko siagang dorakako, nampa wattu hukkungang kala'busannu a'reppese'mi. Anjo pa'danga lanapolongi kallonnu.

YEHEZKIEL 21:25

Nampa mae ri karaeng Israel Kukana, ‘He karaeng ja'dalaka siagang dorakaya! A'reppese'mi wattu hukkungannu kala'busanga.

YEHEZKIEL 25:15

Nakana Batara Kaminang Tinggia, “Tu Filistin le'baki a'balasa' palla' mae ri musu lompona, siagang napanraki ke'nanga lanri birisi'na.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

YEHEZKIEL 35:12

Jari lanuassemmi angkanaya iNakke, Batara, Kulangngere'mi kana pacau-caunu ri wattunnu angkana: Moncong-monconga ri Israel a'jari sinoi siagang nipassareangi a'jari koro'banta.

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

PAMMUJI 63:10

Mingka sikamma tau eroka ambunoa' lanaungi ri linona tau matea.

YEHEZKIEL 7:2

“He tau, iNakke, Batara Kaminang Tinggia, eroki Kupabattu anne mae ri butta Israel angkana: Iaminne kala'busanna riwaya'na sikontu anne pa'rasanganga!”

AMOS 1:6

Nakana Batara, “Pandudu'na Gaza a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa nabalukang salaku ata mae ri tu Edom.