YEHEZKIEL 35:15 - KITTA' MATANGKASA'

¹⁵ sangkamma todong sannannu ri wattunna a'jari sino Israel Kupatanga. Moncong-moncong Seir, ba'lalo sikontu Butta Edom la'jari sino sikali. Jari sikontu taua lanaassemmi angkanaya iNakkemi Batara.’ ”

YEHEZKIEL 35:15 Referans Kwoze

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

OBAJA 1:15

“Tojeng, a'reppese'mi allongKu, iNakke, Batara untu' angngadeli bansa-bansaya. Apa nagaukanga tu Edom lanibalasaki mae ri kalenna. Lanakasia' tongi apa le'baka nagaukang.

OBAJA 1:12

Tena nusiratang lasannang nyawanu mae ri sare kodina tu Yehuda siagang rannu pa'mai'nu ri allo kapanrakanna anjo sari'battannu. Tena nusiratang a'bicara lompo ri wattu natujuna susa.

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

MARKUS 3:8

battu ri Yerusalem, battu ri daera Idumea, battu ri daera rayanganna Binanga Yordan, kammayatompa battu ri kota-kota a'reppeseka ri Tirus siagang Sidon. Battu ngasemmi mae ri Isa, lanri nalangngere'mi ke'nanga sikamma apa le'baka Nagaukang.

YEHEZKIEL 35:9

Pa'rasangannu laKupa'jari parang lompoi untu' satunggu-tungguna, siagang kota-kotanu tenamo nalanipammantangngi ri taua. Jari lanuassemmi angkanaya iNakkemi Batara.

YEREMIA 50:11

Nakana Batara, “He tu Babel, nuellaki ummakKu. A'lumpa'-lumpakko napakamma rannu rapang jarang assa'raya, siagang rapang sapi a'rukuka.

PANGNGEBARANG 17:5

Inai ancau-caui tu kasi-asi puppusuka, nahinai Allata'ala Mappa'jarina. Inai rannu lanri kasusaanna tau maraenga, mattantu anggappana hukkungang.

YEHEZKIEL 32:29

Edom niaki anjoreng siagang sikontu karaenna kammayatompa sikontu pamarentana. Riolo ke'nanga tantara kassa', mingka kamma-kamma anne anra'bami ri linona tau matea siagang tau mate maraenga tenaya natappa' ri Allata'ala.

YEHEZKIEL 36:1

Nakana Batara, “He tau, a'bicarako mae ri moncong-monconna Israel siagang suroi ke'nanga ampilangngeri pasanNa Batara Kaminang Tinggia, angkana,

OBAJA 1:1

Iaminne boto napabattua Na'bi Obaja; napabattui pasanNa Batara Kaminang Tinggia ri passala'na bansa Edom: Nakirimmi battu tunisuroNa Batara mae ri bansa-bansaya, siagang le'ba'mi nilangngere' pasang naeranga kamma anne, “Sadia mako untu' a'bundu'! Umba ki'lampa mange ambunduki bansa Edom.”

YEHEZKIEL 25:6

Nakana Batara Kaminang Tinggia, “Attempa limako siagang a'rannu-rannuko. Nupakatunai butta Israel.