YEHEZKIEL 35:13 - KITTA' MATANGKASA'

¹³ He bansa Edom, ikau lompo bicarako, siagang a'bicara tampoko mae ri Nakke. Kulangngere' kabusu'mi anjo sikammaya.

YEHEZKIEL 35:13 Referans Kwoze

DANIEL 11:36

Karaeng pa'rasangang waraka lappaero'-eroki appanggaukang. Tampoi ke'nanga nangkana angkanaya la'bi lompoangngangi kalenna namanna pole rewata battu kemae, ba'lalo la'bi lompoangngangi na Allata'ala Kaminang Tinggia. Lakkullei appanggaukang kamma anjo sa'genna kala'busang pangngalarroinNa Allata'ala. Nasaba' anjo apa le'baka Napattantu Allata'ala musti a'rupai la'bi riolo.

YEHEZKIEL 35:12

Jari lanuassemmi angkanaya iNakke, Batara, Kulangngere'mi kana pacau-caunu ri wattunnu angkana: Moncong-monconga ri Israel a'jari sinoi siagang nipassareangi a'jari koro'banta.

YEREMIA 29:23

Kammami anjo sarenna ke'nanga, lanri le'ba'na nagaukang dosa-dosa lompoa ri Israel, iamintu: a'gau' bawangi ke'nanga, siagang napakei arenNa Batara untu' ancaritai apa-apa tenaya natojeng. Anjo kammaya sisalai siagang ero'Na Batara. Naassengi apa nagaukanga ke'nanga, siagang ia KalenNa a'jari sa'bi angngewai ke'nanga. Kammami anjo le'baka Nakana Batara.”

YESAYA 36:20

Rewata kereanga le'ba' allappassangi pa'rasanganna battu ri kakoasangku? Kemae lakkulle Batara lampasalamaki Yerusalem!’ ”

1 SAMUEL 2:3

Pammarimi bicara kosonga! Pa'le'ba'mi bicara borroa! Nasaba' anjo Batara, Allata'ala Kaminang mapahang; Ia angngadeli sikontu panggaukanna taua.

YUDAS 1:15

untu' angngadeli sikontu rupataua. LaNahukkung ngasengi Batara sikamma tau ja'dalaka lanri panggaukang bambala'na ke'nanga. Siagang laNahukkung ngaseng tongi bicara-bicara hina napaua sikamma tau dosaya siagang dorakaya.”

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

MALEAKHI 3:13

Nakana Batara, “Teai sipato' bateKu nuhina lalang ri kana-kanannu.” “Mingka akkuta'nangko angkana, ‘Apa napau ikambe ri passabakkang iKatte?’

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

YESAYA 37:23

Nuassenji angkana inai anjo nupakka-pakkanaia siagang nuhinaya? INakke, Allata'alana Israel, Allata'ala matangkasaka.

YESAYA 37:10

karaeng Yehuda. Kammanne bonena anjo suraka, “Teako eroki nitipu ri janjinNa Allata'ala nupattoanga, angkanaya tena nulatu'guru' antama' ri limangku.

KATO'BA 10:14

Memang, tau toloa jai bicaranna. Allo labattua kacokkoangi mae ri katte ngaseng. Tena akkulle antappui apa lakajarianga punna tena maki'.

AYUB 35:16

Sia-siaji nupannarrusu' bicarannu; Singara'mi angkana tena nupahangi apa nupaua.”

AYUB 34:37

Anjo kasalanna natambai pole sirupa dosa; angngewai mae ri Allata'ala, siagang nahinai ri dallekanta ngaseng.”

2 PATTOTTORANG 32:19

Lalang bicaranna ke'nanga napasangkammai anjo Allata'ala nisombaya ri Yerusalem siagang rewata-rewatana bansa maraenga, iamintu patung-patung bate pare'na rupataua.

2 PATTOTTORANG 32:15

Teako lappassangi karaennu amballe-balleiko siagang ampadongo'-dongokko! Teako tappaki mae ri ia. Nasaba' manna kemae tena le'bakai nia' rewatana se'rea bansa akkulle ampasalamaki bansana battu ri kakoasanna karaeng Asyur. Mattantuna anjo rewatanu tena todong nakkulle allappassangko!”

2 KARAENG-KARAENG 19:28

Kuassengi angkanaya larro sikaliko mae ri Nakke, siagang Kulangngere' tommi anjo kana-kana tamponu. Kamma-kamma anne Kusareimi pakkai' ka'murunnu siagang Kupitabaimi sa'mang bawanu, sollannu akkulle Kurenreng ammotere' battu ri oloang nuoloa ri wattunnu battu.”

PAMMILANGNGANG 14:27

“Kemae sa'genna anjo sikamma tau ja'dalaka tuli la'moro-moro mae ri Nakke? Sikontu kunrarenna ke'nanga Kulangngere' ngasemmi.

KALAPPASSANG 16:12

“Kulangngereki pa'moro-morona ke'nanga tu Israel. Pauammi ke'nanga angkana punna karueng langgappami ke'nanga dageng, siagang punna bari'basa' langnganrei ke'nanga roti sa'genna bassoro'. Jari lanaassemmi ke'nanga angkanaya iNakkemi Batara, Allata'alana ke'nanga.”

YEREMIA 7:11

Nukanaka anne BallakKu pammantangngang paella'? Yangasenna anjo panggaukannu Kucini' ngasemmi.

YEREMIA 48:26

Nakana Batara, “Pareki Moab nasa'ring, lanri napattampoangi kalenna mae ri Nakke. Langgulung-gulungi lalang ri langngena, siagang lanikakkali ri taua.

YEREMIA 48:42

Laancuruki Moab siagang tenamo nattanja' se're bansa, lanri napattampoanna kalenna mae ri Nakke.

PAMMILANGNGANG 12:2

Nakana ke'nanga, “Apaka tete ri Musa ji bawang akkulle a'bicara Batara? Sai akkulle tonji a'bicara tete ri katte?” Nalangngereki Batara anjo apa nakananga ke'nanga.

PAMMUJI 74:18

Kiu'rangi laloi antekamma batena musunTa anghinaKi', o, Batara, bansa tenaya naassengKi' napitinai arenTa.

PAMMUJI 94:9

Allata'ala appare' toli, maka tenaka Nallangngere'? Ia appare' mata, maka tenaka Naccini'?

YESAYA 37:27

Sikamma tau niaka ammantang anjoreng tena kullena; ta'bangkai ke'nanga lanri malla'na. Rapangi ke'nanga ruku' ri parang yareka ruku' attimboa irate ri pattongko'na ballaka, a'jari kalotoroka punna niiri' ri anging bambang battu raya.