YEHEZKIEL 35:11 - KITTA' MATANGKASA'

¹¹ Lanri kammana anjo, lanri iNakke, Allata'ala mattallasaka, Batara Kaminang Tinggia, laKupa'balassiko, lanri larroko, assereatiko, siagang birisikko mae ri ummakKu. Lanaassengi ke'nanga angkanaya Kuhukkungko lanri panggaukannu mae ri ke'nanga.

YEHEZKIEL 35:11 Referans Kwoze

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

AMOS 1:11

Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

YEHEZKIEL 25:14

BansaKu Israel laKupakei untu' ampa'balassi Edom; siagang Edom lanihukkungi situru' kahebakkanna pangngalarroingKu. Lanaassengi Edom angkanaya antekamma kasia'na nitujua ri pangngalarroingKu. INakke, Batara, anne akkana.”

OBAJA 1:15

“Tojeng, a'reppese'mi allongKu, iNakke, Batara untu' angngadeli bansa-bansaya. Apa nagaukanga tu Edom lanibalasaki mae ri kalenna. Lanakasia' tongi apa le'baka nagaukang.