YEHEZKIEL 34:7 - KITTA' MATANGKASA'

⁷ Jari, sikamma pakalawakia, pilangngeri apa Kupaua, iNakke, Batara Kaminang Tinggia, mae ri kau:

YEHEZKIEL 34:7 Referans Kwoze

MALEAKHI 2:1

Nakana Batara Kaminang Koasaya mae ri sikamma imanga, “Iaminne parentaKu mae ri kau ngaseng:

YEHEZKIEL 34:9

Jari, pilangngeri, he sikamma pakalawakia,

YEREMIA 13:18

Nakana Batara ri nakke, “Suroi karaenga siagang amma'na naung battu ri empoang kakaraenganna, nasaba' anjo songko' karaeng ga'gana tu'guru'mi battu ri ulunna.

YEREMIA 13:13

Jari pauangi ke'nanga angkanaya sikamma taua anrinni ri pa'rasanganga, sikamma karaeng jari-jarina Daud, sikamma imanga, na'bia, siagang sikontu pandudu'na Yerusalem laKubonei anggoro' sa'genna nabengo.

YESAYA 1:10

Yerusalem, sikamma pamimpinnu siagang bansanu, a'jari sangkammami tu Sodom siagang tu Gomora. Pilangngerimi apa Nakanaya Batara mae ri kau; parhatikangi apa Napangngajarranga Allata'alata.

YEHEZKIEL 34:6

Jari pitilampa-lampaimi sikamma gimbalakKu ri bulu'-bulu' tinggia siagang sikamma monconga. Tassiaraki ke'nanga mange ri sikontu buttaya, tena manna sitau amparhatikangi yareka amboyai ke'nanga.

YEHEZKIEL 34:8

Lanri iNakke, Allata'ala mattallasaka, parhatikangi! Nikokkoki siagang nikanrei sikamma gimbalakku ri olo'-olo' sekkeka, lanri tena angkalawaki ke'nanga. Ikau sikamma pakalawakingKu tena nanujampangi anjo sikamma gimbalaka. Poro kaparalluang kalennu bawang nunawa-nawa, teai kaparalluanna sikamma gimbala'nu.

YEHEZKIEL 16:35

He Yerusalem, pasundalaka, pilangngeri apa kananNa Batara Kaminang Tinggia, angkana, “Le'ba'mi nusungke bajunnu, siagang salaku pasundala' nupassareammi kalennu mae ri sikamma tanrinnu siagang mae ri anjo barhala-barhalanu appakaringi'-ringika. Ana'-ana'nu nubunoi siagang nukoro'bangkangi mae ri anjo barhala-barhalaya.