YEHEZKIEL 34:31 - KITTA' MATANGKASA'

³¹ Tojeng, ikaumi pa'rappungang gimbalakKu Kusarea kanre. Ikaumi ummakKu, siagang iNakkemi Allata'alanu. INakke, Karaeng Allata'ala Kaminang Tinggia, anne akkana.”

YEHEZKIEL 34:31 Referans Kwoze

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

YOHANES 10:16

Nia' ija gimbala' maraeng, iNakke todong pata, mingka tantamayapi ri pa'rappunganna anne gimbalaka. Musti Kuerang tongi ke'nanga battu na lanapilangngeri todong sa'rangKu. La'jari sipa'rappungang ngasengi ke'nanga na se're pakalawaki napa'jului.

YEHEZKIEL 36:38

Kota-kota ancuruka kamma-kamma anne, larassi bonena sallang sangkamma Yerusalem ri allo-allo passua'-suarrang ri allo allaloa, rassi siagang gimbala' eroka nipassareang. Jari nuassemmi angkanaya iNakke Batara.”

PAMMUJI 78:52

Nampa Napimping umma'Na sanrapang pa'rappungang gimbala', narurungang ke'nanga angngolo ri parang lompoa.

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

YOHANES 10:11

INakkemi pakalawaki bajika. Ia pakalawaki bajika, napassareangi nyawana untu' katallassanna gimbala'na ngaseng.

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

PAMMUJI 95:7

Saba' Iami Allata'alata, ikatte umma' niparakaiNa, sanrapang gimbala' Nakalawakia. Anne alloa pilangngerimi sa'ranNa angkana:

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

MIKHA 7:14

O Batara, Kikalawaki laloi ummatTa, iamintu umma' nipileTa. Ammantangi ke'nanga bella ri parang lompoa, ri tangnga-tangngana butta copponga. Lappassammi ke'nanga anggappa kanre ri parang ruku'na Basan siagang ri Gilead sangkamma jammang riolo.

YEREMIA 23:1

Nakana Karaeng Allata'alana Israel, “Cilakako he ikau sikamma pamimping ampanrakiai siagang ampasisa'la'-sa'lakai ummakKu! Ikau ngaseng mustina nuparakai ummakKu, mingka tena nanugaukangi kammaya; nubalang parekangi tassiara', lari. Kamma-kamma anne laKuhukkungko lanri kaja'dallannu.

YEHEZKIEL 35:1

Nakana Batara ri nakke,