YEHEZKIEL 34:30 - KITTA' MATANGKASA'

³⁰ Jari lanaassemmi sikontu taua angkanaya anjo Israel ummakKu, siagang angkanaya iNakke alla'langngi. INakke, Batara Kaminang Tinggia, anne akkana.

YEHEZKIEL 34:30 Referans Kwoze

YEHEZKIEL 37:27

LammantangA' siagang ke'nanga; iNakke la'jari Allata'alana ke'nanga, siagang ke'nanga la'jari ummakKu.

YEHEZKIEL 34:24

INakke, Batara, la'jari Allata'alana ke'nanga, siagang anjo karaeng sangkammaya atangKu Daud la'jari pamarenta mae ri ke'nanga. INakke, Batara anne akkana.

YEHEZKIEL 14:11

Yangasenna anjo kammaya Kugaukangi sollanna tu Israel tenamo napakabellai pole kalenna battu ri Nakke siagang tenamo nara'massi pole kalenna lanri dosa. Lanri kammana anjo la'jarimi ke'nanga ummakKu na iNakke a'jari Allata'alana ke'nanga.” INakke, Batara Kaminang Tinggia anne akkana.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

YEHEZKIEL 16:62

LapparekKa' parjanjiang beru siagang ikau. Na nuassemmo angkanaya iNakke Batara.

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

YEHEZKIEL 36:28

Jari lammantang mako ri butta le'baka Kupassareang mae ri boe-boenu. La'jariko ummakKu, siagang iNakke la'jari Allata'alanu.