YEHEZKIEL 34:27 - KITTA' MATANGKASA'

²⁷ Poko'-pokoka la'rappoi, koko-kokoa langngerangi wassele', siagang sikontu taua lammantangi siagang amang ri butta kalenna. Punna le'ba'mo Kutappu' rante passikko'na ummakKu siagang le'ba'mi Kulappassang battu ri tau amparekai ata ke'nanga, naassemmi ke'nanga angkanaya iNakke Batara.

YEHEZKIEL 34:27 Referans Kwoze

YEREMIA 30:8

Nakana pole Batara Kaminang Koasaya ri umma'Na, “Punna battu sallang anjo alloa, laKutepoki anjo lembarang Kupatabaya ri salanggannu, siagang Kulappassangi passikko'nu. Tenamo nula'jari ata pole mae ri bansa maraenga.

KAIMANGNGANG 26:13

INakke, Karaeng Allata'alanu, angngerangko assulu' battu ri butta Mesir sollanna tenamo nu'jari ata. Le'ba'mi Kutepoki kakoasang anjallakkangako, siagang Kupa'jari mako tau maradeka.”

KAIMANGNGANG 26:4

lappaturungA' bosi punna narapi' wattunna, sa'genna angngerang wassele' buttaya siagang a'rappo poko' kayu rappo-rappoanga.

PAMMUJI 85:12

Lattimboi battu ri butta nyawa tamamminrana rupataua, lattoaki kaadelanNa Allata'ala battu ri langi'.

YEREMIA 2:20

Nakana Batara, “Sallo mako taeroka anynyomba ri Nakke; taeroka mannuruki yareka mappilangngeri ri Nakke Irate ri tunggala' bulu' tinggia nai', siagang irawanganna poko' kayu lompoa anjorengko anynyomba ri rewata-rewata kacopponganga.

YESAYA 4:2

Nia' sallang wattunna naNapa'jari Batara sikamma lamung-lamunga siagang poko'-pokoka a'jari lompo siagang ga'ga ri anne pa'rasanganga. Anjo wattua tu Israel salamaka larannui pa'mai'na siagang lalompoi pa'mai'na lanri baji'na wassele' kattoanna.

YEHEZKIEL 47:12

Ri sikamma birinna anjo binangaya napattimboi sangka' rupa poko' kayu rappo-rappoang. Tale'bakai kalumeng leko'na anjo poko'-pokoka, siagang tena la'busu'na rapponna. Anjo poko'-pokoka lappa'niaki rappo-rappo beru ri tunggala' bulang, nasaba' tuli nibasaina ri je'ne' a'lo'loroka battu ri Balla'Na Batara. Rapponna a'jari kanreang-kanreang siagang leko'na a'matu-matui untu' pa'balle.”

YEHEZKIEL 39:28

Jari naassemmi ummakKu angkanaya iNakkemi Karaeng Allata'alana ke'nanga. Nasaba' iNakke angkiringi ke'nanga mange ri butta pammelakkanga, mingka iNakke todong angngerangi ke'nanga ammotere' mange ri pa'rasangang kalenna ke'nanga, natena manna sitau battu ri ke'nanga nibokoi anjoreng.

YEHEZKIEL 34:10

Nakke, Batara Kaminang Tinggia akkana ri kau angkanaya iNakke anne musunnu. Anjo sikamma gimbalakKu laKuallei ammotere' battu ri kau siagang tenamo naKupappirannuangi mae ri kau; tenamo naKukellaiko annawa-nawai kaparalluang kalennu bawang. Sikamma gimbalakKu laKupasalamaki battu ri kau, sa'genna tenamo nala'jari kanrenu.’ ”

YEHEZKIEL 33:29

Ri wattunna Kuhukkung anjo bansaya lanri dosa-dosana ke'nanga, siagang Kupa'jari sino anjo pa'rasanganga, naassemmi ke'nanga angkanaya iNakke Batara.”

YEREMIA 27:7

Sikontu bansaya la'jari atai mae ri ia, mae ri ana'-ana' bura'nena, siagang mae ri cucunna sa'genna narapi' wattunna pa'rasangang kalenna tu'guru' todong. Anjo wattua bansa Babel la'jari atai mae ri bansa-bansa kassaka siagang karaeng-karaeng lompoa.

YEREMIA 25:14

LaKubalasaki sikamma panggaukanna tu Babel; lanipa'jari atai ke'nanga ri karaeng-karaeng lompoa siagang ri jaia bansa.’ ”

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YESAYA 10:27

Anjo wattua laKulappassangko battu ri panjallakkanna Asyur, nampa tenamo nakoasa ke'nanga mae ri kau.”

YESAYA 9:4

A'lappe'-lappeki sa'ra sapatuna tantaraya na bajunna rassi cera', lala'busu' nikanre ri pepe'.

PAMMUJI 67:6

Poro mammuji bansa-bansaya mae ri Katte, o, Allata'ala, poro appala' sukkuru' ngasengi sikontu bansaya mae ri Katte.

YEHEZKIEL 28:25

Nakana Batara Kaminang Tinggia, “LaKupasse'rei tu Israel battu ri sikamma pa'rasangang bella tampa'na ke'nanga Kupasiara', siagang sikontu bansaya lanaassengi angkanaya matangkasakKa'. Bansa Israel lammantangi ammotere' ri butta kalenna ke'nanga, iamintu butta le'baka Kupassareang mae ri atangKu Yakub.

YEHEZKIEL 30:18

Anjo wattua laKupakala'busammi kakoasanna karaeng Mesir, siagang Kuallei anjo kakoasang nakatampoang dudua; Tahpanhes lanitongkoki ri sassang siagang tubai'-bainena lanitahangi.

YEHEZKIEL 34:25

LapparekKa' parjanjiang siagang ke'nanga, ampattantui kaamangnganna ke'nanga. LaKubongkai sikontu olo'-olo' sekkeka battu ri sikontu pa'rasanganga, sa'genna akkulle sikamma gimbalakKu ammantang siagang amang ri sikamma paranga siagang attinro ri romanga.

YEHEZKIEL 34:29

LaKupicoppongi sikamma kokonna ke'nanga sa'genna tenamo wattu kacipurang ri anjo pa'rasanganga. Tenamo nalanihina ke'nanga ri bansa-bansa maraenga.

YEHEZKIEL 36:29

LaKupakabebasakko battu ri sikontu kara'massannu. LaKuparentakangi gandunga sollanna coppong timbona sa'gennu talanatujuamo kacipurang.

YEHEZKIEL 36:30

Lapila' Kupakacoppongi poko' rappo-rappoannu siagang wassele' koko-kokonnu, sa'genna tenamo nalanukasia' jammang kacipuranga, anra'massiai arennu ri tangnga-tangngana bansa-bansaya.

YEHEZKIEL 38:8

Tena siapa taung sallona naKusuro maju ambunduki se'reang pa'rasangang siagang pandudu' le'baka nipa'rappung ammotere' battu ri alla'na bansa-bansaya nampa ammantang ri anjo pa'rasanganga siagang amang. Lanaempoi Gog daera monconna Israel, iamintu salloamo sino siagang a'jari loro, mingka kamma-kamma anne nipammantangngimi ri ra'ya' amanga katallassanna.

YEHEZKIEL 38:11

Lanupattantui untu' ambunduki anjo pa'rasangang tenaya pattahanganna, pandudu' attallasaka siagang amang na sannang ri kota-kota tenaya nammake tembo' siagang tenaya nammake pattahangngang.

HOSEA 11:11

Battu ri Mesirki lania' battu ke'nanga sanrapang jangang-janganga linta'na, siagang battu ri Asyur rapang jangang-jangang bodobangkeng. Nampa laKuerang ammotere' ke'nanga mange ri balla'na. INakke, Batara, anne akkana.”

KAIMANGNGANG 26:6

LaKujagai kaamananna pa'rasangannu sa'gennu akkulle tinro sannang siagang tena numalla' manna pole ri nai. LaKupa'lanynyaki sikamma olo'-olo' sekkeka battu ri pa'rasangannu, siagang latenamo pa'bundukang ri pa'rasangannu.

AYUB 5:23

Tena batunna koko nupa'jekoa; tanabakkaiako olo'-olo' liara'.

PANGNGEBARANG 3:24

Lamangeko attinro tamallaka pakkasia'nu, siagang labajiki tinronu sila'busu' bangngi.

YESAYA 35:9

Ri anjo tampaka tena singa, yareka olo'-olo' sekke' maraengannaya. Sikamma tau Nipasalamaka ri Batara la'jappai angngolo anjoreng.

YEREMIA 23:4

LangngangkaKa' pamimping untu' amparakai ke'nanga. Tenamo nalamalla' yareka annekkere' ummakKu; tenamo manna sitau ke'nanga latappela'. INakke, Batara, anne akkana.”

YEHEZKIEL 36:8

Mingka mae ri kau Kukana he moncong-monconna Israel, poko'-poko'nu laccu'laki siagang la'rappo poleangi untu' ummakKu Israel tenayamo nasallo nammotere'.

YEHEZKIEL 39:26

Punna sannangi pole ke'nanga ammantang ri pa'rasangang kalenna, tena manna sitau lakkulle anggarattaki ke'nanga; jari lanakaluppaimi ke'nanga antekamma batena le'ba' nipakasiri' ke'nanga lanri dorakana mae ri Nakke.

HOSEA 2:20

LaKunikkaiko situru' janjingKu. LanuaniA' salaku Bataranu.

ZAKHARIA 8:12

Lappakioroki bine ke'nanga siagang amang. La'rappoi poko'-poko' anggoro'na ke'nanga, lanisarei wassele' ke'nanga battu ri buttaya, siagang laturungi alla'bi-la'bi bosia. Sikontu anjo barakkaka Kupassareangi mae ri sikamma tau attallasaka ija battu ri anne bansaya.