YEHEZKIEL 34:26 - KITTA' MATANGKASA'

²⁶ LaKubarakkaki ke'nanga siagang Kupa'biangi ammantang ke'nanga ri tammulilina bulu' matangkasakKu. LaKusarei ke'nanga bosi punna parallui.

YEHEZKIEL 34:26 Referans Kwoze

PAOLE 28:12

Lappaturungi bosi Batara punna narapi' wattunna battu ri pammolikang alla'biNa ri langika. LaNabarakkaki sikontu usahanu, sa'genna akkulleko assarei angnginrang jaia bansa, mingka tena nuparallu angnginrang manna pole battu ri nai.

YESAYA 44:3

Saba' laKupaturungi bosia ri butta kalotoroka, Kupasolongi binanga-binangaya ri butta rosoka. LaKusarei koasaKu turungannu, siagang Kubarakkaki ana' cucunnu.

KAIMANGNGANG 26:4

lappaturungA' bosi punna narapi' wattunna, sa'genna angngerang wassele' buttaya siagang a'rappo poko' kayu rappo-rappoanga.

PAMMUJI 68:9

annekkereki linoa, tattumpai bosia ri dallekanTa, lanri battuna Allata'alana Sinai, Allata'alana Israel.

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

MALEAKHI 3:10

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.

ZAKHARIA 8:13

He pandudu' Yehuda siagang Israel! Ri jammang allaloa, punna situnra-tunrai bansa maraenga, nakana ke'nanga, ‘Poro battu lalo bala sangkammaya antujui Yehuda siagang Israel antuju tongko!’ Mingka laKupasalama' ngasengko, sa'genna anjo bansa-bansa maraenga lanakana massing ri para ia ke'nanga, ‘Poro anjo barakka' turunga ri Yehuda siagang Israel, turung tongi mae ri kalennu!’ Lanri kammana pakajarreki pa'mai'nu siagang teako mallakki!”

YESAYA 19:24

Anjo wattua lasangkammai empoanna tu Israel siagang tu Mesir kammayatompa tu Asyur, tallu-talluna anjo bansaya la'jari barakkaki mae ri sikontu linoa.

PAMMUJI 133:3

Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.

ZAKHARIA 8:23

Ri anjo allo-allo kammaya, sampulo tau bansa maraeng labattu mange ri se're tu Yahudi na nakana, ‘Ero' tongi ikambe upa' sangkamma ikau ngaseng; nasaba' nalangngereki ikambe angkanaya Nabarakkaki ngasengko Allata'ala.’ ” Kammaminjo kana le'baka Napau Batara Kaminang Koasaya.

YESAYA 56:7

“LaKuerangko mange ri Sion, mange ri bulu' matangkasakKu, na Kusareko karannuang ri balla' sambayangKu. LaKutarimai sikamma koro'bang nupassareanga ri tampa' pakkoro'bangngangKu. BallakKu laniarengi balla' pappala' doangang untu' sikontu bansaya.”

YESAYA 32:15

Mingka sikalipi pole labattu Allata'ala siagang koasaNa. Na sikamma parang luaraka la'jari koko-koko coppong, sikamma kokoa la'jari sangkamma romang jaina.

PAMMUJI 68:16

Moncong Basan Iami moncong heba', moncong jaia coppo'na.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

YEHEZKIEL 20:40

Nasaba' ri butta Israel, ri coppo' bulukKu matangkasaka, ikau ngaseng, bansa Israel lanynyombako mae ri Nakke. Anjoreng lasannangi nyawaKu mae ri kau siagang erokKa' antarimai koro'bang-koro'bannu, passare-passarenu kaminang bajika siagang passare-passare nusa'laka.

LAMPA-LAMPANA 14:17

Mingka tena Natakkaluppa ampa'butti kabajikanNa ilalang apa-apa Nagaukanga. Nasare ngasengko bosi battu ri langika, siagang wassele'na buttaya punna narapi' wattunna. Nasareko apa-apa lanukanrea siagang Napakasannangi atinnu.”

KAIMANGNGANG 25:21

Lalang ri taung makaannanga laNabarakkaki Batara buttaya sa'genna angganna' wassele'na untu' tallun taung.

YEHEZKIEL 34:14

Tojeng, laKupasadiangi ke'nanga parang-parang ruku' coppong ri daera monconga siagang ri sikamma lappara' ka'bunna butta Israel. Anjorengi ke'nanga lammari-mari siagang angnganre ruku' siagang amang.

YEHEZKIEL 34:29

LaKupicoppongi sikamma kokonna ke'nanga sa'genna tenamo wattu kacipurang ri anjo pa'rasanganga. Tenamo nalanihina ke'nanga ri bansa-bansa maraenga.

YEHEZKIEL 36:8

Mingka mae ri kau Kukana he moncong-monconna Israel, poko'-poko'nu laccu'laki siagang la'rappo poleangi untu' ummakKu Israel tenayamo nasallo nammotere'.

PA'JARIANG 9:16

Punna kacinikang tarawea ri rammanga, laKuciniki siagang laKuu'rangi parjanjiangKu satunggu-tunggua mae ri sikontu apa-apa attallasaka ri lino.

PAMMUJI 84:7

Lalang a'jappana ke'nanga numalo ri Ka'bung Baka, napinrai anjo tampaka a'jari timbuseng je'ne', uru bosia angngerang barakka' alla'bi-la'bi.

YO"EL 2:23

He ra'ya' Sion, rannu mako! Ma'reja-rejako nu ma'rannu-rannu! Lanri sikontu kabajikang battua ri Karaeng Allata'alanu. Ri wattu timoroka Napaturungangko bosi siganna'na. Ri wattu baraka Napaturungi bosia, kammayatompa ri wattu a'rappona rappo-rappoanga kamma riolo.

ZAKHARIA 8:12

Lappakioroki bine ke'nanga siagang amang. La'rappoi poko'-poko' anggoro'na ke'nanga, lanisarei wassele' ke'nanga battu ri buttaya, siagang laturungi alla'bi-la'bi bosia. Sikontu anjo barakkaka Kupassareangi mae ri sikamma tau attallasaka ija battu ri anne bansaya.

ZAKHARIA 10:1

Punna battu wattu accu'la'na lamung-lamunga, appalakko bosi mae ri Batara. Na laNapa'rappungi Batara rammang lappaturunga bosi, siagang laNapaturungi bosi lompoa sa'genna a'jari moncongbulo nicini' sikamma kokoa siagang a'jari baji' mange ri yangasenna taua.