YEHEZKIEL 34:24 - KITTA' MATANGKASA'

²⁴ INakke, Batara, la'jari Allata'alana ke'nanga, siagang anjo karaeng sangkammaya atangKu Daud la'jari pamarenta mae ri ke'nanga. INakke, Batara anne akkana.

YEHEZKIEL 34:24 Referans Kwoze

YEHEZKIEL 36:28

Jari lammantang mako ri butta le'baka Kupassareang mae ri boe-boenu. La'jariko ummakKu, siagang iNakke la'jari Allata'alanu.

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.

YEHEZKIEL 37:27

LammantangA' siagang ke'nanga; iNakke la'jari Allata'alana ke'nanga, siagang ke'nanga la'jari ummakKu.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

YEHEZKIEL 37:23

Tenamo nalanara'massi pole kalenna ke'nanga lanri nagaukanna dosaya siagang anynyombana ri barhalaya, appakaringi'-ringika. LaKupakabebasaki ke'nanga battu ri sikontu sala panggaukanga, ampakabellayai ke'nanga battu ri Nakke. LaKutangkasi ke'nanga; la'jari ke'nanga ummakKu, siagang iNakke Allata'alana ke'nanga.

1 KORINTUS 15:25

Musti ammarenta tuli Almasi sa'genna nipasomba ngaseng ri Allata'ala sikontu musunNa Almasi ri dallekanNa Almasi.

LAMPA-LAMPANA 5:31

Siagang nisaremi ri Allata'ala empoang siagang kakoasang matinggi, a'jari Pamimping siagang Mappasalamaka; sollanna nisare kasampatang bansa Israel untu' a'jari toba' battu ri dosa-dosana na nipammopporang.

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

YEHEZKIEL 39:22

Appakkaramula anjo wattua lanaassemmi tu Israel angkanaya iNakkemi Karaeng Allata'alana ke'nanga.

YEREMIA 32:38

La'jari ke'nanga ummakKu, siagang iNakke la'jari Allata'alana ke'nanga.

YEREMIA 31:1

Nakana Batara, “Lanarapi sallang wattunna naKua'jari Allata'ala mae ri sikontu suku Israel, siagang ke'nanga a'jari ummakKu.

YEREMIA 30:9

La'jari atako mae ri Nakke, Karaeng Allata'alanu, siagang mae ri se'rea jari-jarina Daud ia laKuangkaka a'jari karaeng.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

YESAYA 55:4

Sikontutojenna, ia laKupa'jari pamimping siagang panglima, sa'bi kakoasangKu mae ri sikamma bansa-bansaya.

YEREMIA 30:21

Karaeng ammarentaya ri kau tau battu tonji ri bansanu. Bebasaki ke'nanga a'reppese' ri Nakke punna Kukio' andallekang ri Nakke. Nasaba' inaika barani andallekang ri Nakke ri ero' kalenna? La'jariko ummakKu siagang iNakke a'jari Allata'alanu. INakke, Batara, akkana kamma anjo.”

YEHEZKIEL 21:27

Anne kotaya laKuancuru' taba sikali, sa'genna kemae-kemae nia' loro-loro. Mingka anjo passalaka nampami kajariang punna anjo tau Kupilea untu' anghukkungi anne kotaya battumi. Mae ri ia laKupassareang anne kotaya.’ ”

YEHEZKIEL 37:22

LaKupa'jari se'rei ke'nanga bansa anjoreng pa'rasanganga, ri daera monconna Israel. Laniparentai ke'nanga ri se're karaeng, siagang tenamo nalata'bage pole ke'nanga a'jari rua bansa yareka kakaraengang.

YEHEZKIEL 37:24

Lanipa'jari se'rei ke'nanga irawangang parentana se'rea karaeng sangkammaya Karaeng Daud, ammarentaya satunggu-tungguna. Lamajarreki ke'nanga anturuki hukkung-hukkungKu. Nampa sa'genna satunggu-tungguna ke'nanga siagang jari-jarina ke'nanga lanapammantangngi anjo pa'rasanganga, iamintu pa'rasangang Kupassareanga mae ri Yakub siagang napammantangngia boe-boena ke'nanga.

YEHEZKIEL 44:3

Mingka pamarenta anna'galaka koasa akkullei a'lampa mange ri anjo pakke'bu' lompoa untu' angkanrei kanre matangkasaka ri dallekangKu. Musti antamaki angngolo ri kamara' lompoa siagang punna ammotereki ia todong anjo naolo.”

YEHEZKIEL 45:7

Untu' patugasa' pamarentaya musti nipasadiang tongi tampa'. Anjo tampaka a'la'baki battu ri pa'baeng-baeng bageang lau'na tampa' nisa'laka untu' Batara, sa'genna mange ri Tamparang Tangngaya, siagang battu ri pa'baeng-baeng bageang rayana anjo tampa' nisa'laka untu' Batara sa'genna pa'baeng-baeng irayana anjo pa'rasanganga. Jari la'buna sangkammai siagang la'buna tampa' nipassareanga mae ri kalase'renna suku-suku bansa Israel.

YEHEZKIEL 48:21

Butta ri bageang ilau' siagang irayaiya battu ri anjo daera nisa'laka untu' Balla'Na Batara, sikamma imanga, tu Lewi siagang anjo kotaya, iamintu untu' patugasa' pamarentaya. Ri bageang rayana anjo buttaya a'la'baki sa'genna mange ri pa'baeng-baeng iraya, siagang ri bageang ilau' sa'genna mange ri Tamparang Tangngaya, siagang ammantanga ri alla'na butta Yehuda siagang butta Benyamin.

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

YEHEZKIEL 20:5

Pabattui anne apa Kupaua. Le'baki Kupile Israel siagang assumpa mae ri ke'nanga. Ri Mesir, Kupa'nyatai KalengKu mae ri ke'nanga na Kukana, ‘INakkemi Bataranu.’

YEHEZKIEL 20:7

Kusuroi ke'nanga ampelaki patung-patung appakaringika siagang nangaia anjo, siagang Kupisangkai ke'nanga anra'massi kalenna lanri anynyombana ri barhala-barhala battua ri Mesir, nasaba' iNakkemi Batara ke'nanga.