YEHEZKIEL 34:20 - KITTA' MATANGKASA'

²⁰ Lanri kammana anjo, iNakke, Batara Kaminang Tinggia Kukana ri kau, he sikamma gimbala' co'moka, angkanaya labattuA' a'jari haking ri tangnga-tangngana gimbala' gassinga siagang gimbala' dodonga.

YEHEZKIEL 34:20 Referans Kwoze

YEHEZKIEL 34:10

Nakke, Batara Kaminang Tinggia akkana ri kau angkanaya iNakke anne musunnu. Anjo sikamma gimbalakKu laKuallei ammotere' battu ri kau siagang tenamo naKupappirannuangi mae ri kau; tenamo naKukellaiko annawa-nawai kaparalluang kalennu bawang. Sikamma gimbalakKu laKupasalamaki battu ri kau, sa'genna tenamo nala'jari kanrenu.’ ”

YEHEZKIEL 34:17

Pilangngeri, he sikamma gimbalakKu! INakke, Batara Kaminang Tinggia Kukana ri kau angkanaya massing laKuadeliko siagang Kusa'laki bajika battu ri ja'dalaka, sikamma gimbalaka battu ri sikamma bembea.

YEHEZKIEL 34:19

Sikamma gimbalakKu maraenga musti angnganrei ruku' le'baka nionjo'-onjokang siagang angnginungi je'ne' le'baka nipuccaki.

YEHEZKIEL 34:21

Nusorong-sorongi siagang nuulaki gimbala' garringa sa'genna niemba ke'nanga battu ri pa'rappunganna gimbalaka.

YEHEZKIEL 20:38

Sikamma tau nangaia angngewa siagang tau ja'dalaka laKupakabellai battu ri tangnga-tangnganu. LaKuerangi ke'nanga assulu' battu ri tampa'-tampa' napammantangngia kamma-kamma anne, siagang tenamo nalaKupa'biang ammotere' ke'nanga mange ri butta Israel. Nampa nuassemmo angkana iNakke Batara.”

YEHEZKIEL 24:5

Dageng gimbala' co'mo' siagang rungka nupake tambai pasadia kayu tunuanna. Lappassangi a'rerea tojeng je'ne'na pallui anjo dagenga siagang buku-bukunna.”