YEHEZKIEL 34:10 - KITTA' MATANGKASA'

¹⁰ Nakke, Batara Kaminang Tinggia akkana ri kau angkanaya iNakke anne musunnu. Anjo sikamma gimbalakKu laKuallei ammotere' battu ri kau siagang tenamo naKupappirannuangi mae ri kau; tenamo naKukellaiko annawa-nawai kaparalluang kalennu bawang. Sikamma gimbalakKu laKupasalamaki battu ri kau, sa'genna tenamo nala'jari kanrenu.’ ”

YEHEZKIEL 34:10 Referans Kwoze

ZAKHARIA 10:3

Nakana Batara, “Sanna' larroKu mae ri tukoasa ammarentaya ri ummakKu, siagang laKuhukkungi ke'nanga. Mingka pandudu'na Yehuda iNakke ampatangi, siagang iNakke, Batara Kaminang Koasaya lamparakai ke'nanga. LaKupa'jari ke'nanga rapang jarang pa'bundukang makassaka untu' iNakke.

YEHEZKIEL 34:2

“He tau, callai sikamma karaeng Israel, siagang pabattui apa Kupaua, iNakke, Batara Kaminang Tinggia mae ri ke'nanga angkana, ‘Cilakako, he sikamma pakalawakinna Israel. Sangnging kaparalluang kalennu bawang nunawa-nawa, teai kaparalluanna sikamma gimbala'nu.

YEREMIA 21:13

Nampa Nakana Batara mae ri Yerusalem, “He Yerusalem! La'bi tinggiangngangi pa'dongkokannu nasikamma ka'bung lappara' niaka ri tammulilinu. Sangkammako bulu' batu ammenteng tinggia' nai' ri parang lapparaka, mingka iNakke langngewako. Nukana kalennu angkana tena manna sitau akkulle ambundukiko yareka anrumbangi tembo'-tembo' pattahangannu,

IBRANI 13:17

Turuki parentana pamimping-pamimpinnu, siagang tundukko mae ri ke'nanga. Nasaba' tuli naparhatikangi ke'nanga nyawanu, namusti attanggong jawaki ke'nanga mae ri Allata'ala. Punna nuturuki ke'nanga, akkullei ke'nanga anjama siagang sannang pa'mai'na; punna tena, akkullei a'jari si'na pa'mai'na ke'nanga anjama, napunna kamma latena matu-matunna mae ri kau.

NAHUM 2:13

Nakana Batara Kaminang Tinggia, “INakke anne musunnu. LaKutunui kareta-karetanu sa'genna cappu'. Lamatei tantaranu lalang ri pa'bundukanga, siagang laKuallei battu ri kau sikontu apa le'baka nualle battu ri tau maraenga. Sikamma apa natuntuka tunisuronu tenamo lanilangngere'.”

YEHEZKIEL 34:8

Lanri iNakke, Allata'ala mattallasaka, parhatikangi! Nikokkoki siagang nikanrei sikamma gimbalakku ri olo'-olo' sekkeka, lanri tena angkalawaki ke'nanga. Ikau sikamma pakalawakingKu tena nanujampangi anjo sikamma gimbalaka. Poro kaparalluang kalennu bawang nunawa-nawa, teai kaparalluanna sikamma gimbala'nu.

YEHEZKIEL 3:18

Punna Kupauangko angkana nia' se're tau ja'dala' lamate, mingka tena nupakaingaki sollanna napinra panggaukanna sollanna salama', lamatei salaku tau doraka, nampa tanggong jawa'na anjo kamateanna lanituntuki battu ri kau.

PAMMUJI 23:5

Kipasadianga' passua'-suarrang ri dallekang matanna balingku. Kiruppaia' sangkamma toana lompoa. Kipatalanga' inungang bajika siagang alla'bi-la'bia.

1 PETRUS 3:12

Nasaba' tuli Naparhatikangi Batara tau anturukiai ero'Na, tuli Napilangngeri pappala' doanganna ke'nanga; mingka Nabaliangi sikamma tau anggaukangai kaja'dallanga.”

YEHEZKIEL 35:3

Pabattui mae ri pandudu'na apa Kupaua, iNakke, Batara Kaminang Tinggia mae ri ke'nanga angkana, ‘INakke anne musunnu, he pandudu'na daera monconna Edom! Buttanu laKupa'jari sino sikali tena bonena, siagang kota-kotanu la'jari loro-loroi. Nalanuassemmo angkanaya iNakkemi Batara.

YEHEZKIEL 34:22

Mingka KalengKu lampasalamaki sikamma gimbalakKu, sollanna tena nanikapallakki ke'nanga. LaKuadeli gimbalakKu tasse're-se're siagang laKusa'laki bajika battu ri ja'dalaka.

YEHEZKIEL 21:3

angkanaya iNakke, Batara, akkana kamma anne, ‘INakke anne musunnu. LaKubi'buki pa'dangKu nampa Kubuno ngasengko, tau ja'dalaka siagang tau bajika.

YEHEZKIEL 5:8

Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

YEHEZKIEL 3:20

Punna nia' se're tau baji' appakkaramula a'gau' dosa, nampa Kupasidallekangi siagang bahaya, lamatei punna tena nupakaingaki. Lamatei lanri dosa-dosana, siagang sikamma panggaukang baji'na tena nalaKuu'rangi. Mingka tanggong jawa'na ri anjo kamateanna laKutuntuki battu ri kau.

YEREMIA 50:31

Babel, ikau tinggi langga duduko! Lanri kammana anjo, iNakke, Batara Kaminang Tinggia, Allata'ala Kaminang Koasaya, angngewako. Narapi'mi wattunnu Kuhukkung.

YEREMIA 39:6

Anjoreng tommi ri kotaya nibuno sikamma ana'na ri dallekanna, siagang sikontu pagawena nibuno ngaseng todong.

YEHEZKIEL 13:23

Kamma-kamma anne kala'busammi sikamma paccini' balle-ballenu siagang boto takontu tojennu. Kupasalamaki ummakKu battu ri pangaru ja'dala'nu. Na nuassemmo angkanaya iNakke Batara.”

YEHEZKIEL 34:9

Jari, pilangngeri, he sikamma pakalawakia,