YEHEZKIEL 33:7 - KITTA' MATANGKASA'

⁷ He tau, ikau Kuangkakko a'jari pajaga mae ri bansa Israel. Pabattui mae ri ke'nanga anne pasangKu:

YEHEZKIEL 33:7 Referans Kwoze

YEREMIA 26:2

Nakanamo Batara ri nakke, “A'lampako mange ammenteng ri paranglakkeng luara'na BallakKu nampa a'bicara mako mae ri pandudu'na Yehuda battua anynyomba anjoreng. Pabattui mae ri ke'nanga sikontu apa Kuparentakanga mae ri kau untu' nupabattu mae ri ke'nanga. Teako kurangngi manna sike'de'.

LAMPA-LAMPANA 5:20

“A'lampako mange ammenteng ri Balla'Na Batara siagang pauang ngasemmi taua passala'na anne katallassang berua.”

IBRANI 13:17

Turuki parentana pamimping-pamimpinnu, siagang tundukko mae ri ke'nanga. Nasaba' tuli naparhatikangi ke'nanga nyawanu, namusti attanggong jawaki ke'nanga mae ri Allata'ala. Punna nuturuki ke'nanga, akkullei ke'nanga anjama siagang sannang pa'mai'na; punna tena, akkullei a'jari si'na pa'mai'na ke'nanga anjama, napunna kamma latena matu-matunna mae ri kau.

YEREMIA 1:17

Sadia-sadia mako Yeremia! A'lampamako siagang pabattui mae ri ke'nanga, sikontu apa Kuparentakanga mae ri kau. Teako mallakki mae ri ke'nanga, sollanna tena naKupa'jari pila' mallakko punna assidallekangko siagang ke'nanga.

YESAYA 62:6

Lammolika' pangawala' ri tembo' kalli'na Yerusalem; allo bangngi ke'nanga takkulleai a'mereki, mingka musti tuli napakaingaki Allata'ala mae ri janjinNa le'baka Napare'.

KELONG MALA'BIRI' 5:7

Nabattuia' paronda kotaya; naba'jia' ke'nanga sa'gengku loko', naalle passai bongongku.

EFESUS 4:11

Iami “assarei sikamma passarea mae ri rupataua”; nia' Nasare pangngellai a'jari tunisuro, na maraenganga Nasare pangngellai a'jari na'bi; maraengannaya pole Nasarei pangngellai a'jari paerang Kabara' Baji'; na maraengannaya pole Nasarei pangngellai a'jari tummarakai jama'ah siagang a'jari guru.

1 KORINTUS 15:3

Anjo apa kupabattua mae ri kau, apa le'baka tonji kutarima. Ia kaminang parallua, kamma tattulisika lalang ri Kittaka, iamintu kupabattumi mae ri kau ngaseng angkanaya matemi Almasi lanri dosa-dosata ngaseng;

1 KORINTUS 11:23

Nasaba' anjo kupangngajarranga mae ri kau, pangngajarang kutarima battu ri KalenNa Batara: angkanaya ri bangngi nipassareanna Isa, Batarata, angngallei roti;

LAMPA-LAMPANA 20:20

Nuasseng ngasemmi angkanaya tena nakumalla'-malla' ampauangko apa niaka matu-matunna mae ri kau. Kusareko pangngajarang lalang ri pa'rappunganna tau jaia, yareka massing ri balla'nu ngaseng.

MIKHA 7:4

Manna kaminang bajika siagang kaminang lambusuka battu ri ke'nanga kontumi romang akkatinting tenaya matu-matunna. Narapi'mi wattunna Allata'ala anghukkungi umma'Na sangkamma le'baka Napappakaingakkang mae ri ke'nanga tete ri na'bi-na'bia. Kamma-kamma anne ammumbami karicuanga ri alla'na ke'nanga.

YEREMIA 31:6

Tojeng, lanarapiki sallang wattunna nasikamma pangawala'na kotaya lakkioki ri pa'monconganna Efraim, angkana, ‘Umba kinai' ri Sion, mange ri Karaeng Allata'alata.’ ”

YEREMIA 23:28

Na'bi asso'naya musti angkanai, ‘Anne poro so'naji bawang.’ Mingka na'bi anggappaya pasang battu ri Nakke musti napabattui anjo pasanga siagang sitojennaya. Gandunga takkulleai nipasangkamma rarame.

YEREMIA 6:27

Nampa Nakana Batara ri Yeremia, “So'ri sai ummakKu, rapang tau asso'ria bulaeng. Salidiki sipa'-sipa'na ke'nanga!

KELONG MALA'BIRI' 3:3

Kubattui paronda kotaya, na kukuta'nang, “Tanucinikai tu ta'dongkoka ri atingku?”

2 PATTOTTORANG 19:10

Punna nia' agannu battu ri pa'rasangang maraeng angngerang mae ri kau se'reang kara-kara pammunoang, kara-kara andakkai hukkung yareka kara-kara andakkai undang-undang, parallui nusare kasingarang ke'nanga. Lalang kammana anjo tenamo nasala ke'nanga mae ri Batara, siagang tenamo Nalalarro Batara mae ri kau yareka mae ri ke'nanga. Gaukangi anne apa kuparentakanga, jari tenamo nulasala.

1 KARAENG-KARAENG 22:14

Mingka appialimi Mikha angkana, “Lanri Batara mattallasaka, iaji bawang lakupau apa le'baka Nakanang Batara mae ri nakke!”

YESAYA 21:11

Iaminne pappasang ri passala'na Edom. Nia' tau akkio' battu ri Edom mae ri nakke, nakana, “He, pajaga, sallo ijakai anne bangngia? Pirang tetteppi nampa bari'basa'?”

HABAKUK 2:1

Eroka' nai' ri menara pa'jagaangku, nampa kutayang apa eroka Napau Batara mae ri nakke, siagang antekamma pappialinNa mae ri kunrarengku.