YEHEZKIEL 33:30 - KITTA' MATANGKASA'

³⁰ Nakana Batara, “He tau, ikau nipare' carita mako ri julu bansanu ri wattunna massing sigappa ke'nanga ri tembo'-tembo' kotaya yareka ri dallekang pakke'bu'-pakke'bu' ballaka. Nakana ke'nanga para ia, ‘Umba nipilangngeri apa pasanNa Batara anne alloa.’

YEHEZKIEL 33:30 Referans Kwoze

MATIUS 15:8

‘Kammaminne kananNa Allata'ala: Napakala'birikKa' anne taua mingka poro ri bawanaji bawang naia atinna sanna' bellana ri Nakke.

YEREMIA 23:35

Kabalekanna, tunggala' taua mustina napakkuta'nangngangi mae ri aganna siagang kaluargana angkanaya, ‘Apa pappiali battu ri Batara?’ yareka ‘Apa Nakana Batara?’

YESAYA 58:2

Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

YEREMIA 42:20

angkanaya le'ba' mako appare' kasalang lompo. Nupalaki sollangku appala' doang mae ri Karaeng Allata'alata untu' ikau ngaseng, siagang a'janjiko untu' anggaukangi sikontu apa Napaua Batara.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEHEZKIEL 14:3

“He tau, sikamma anne taua napappirannuammi kalenna mae ri barhalaya sa'genna ta'loposo'mo ke'nanga antama ri dosaya. Masakang erokKa' nikuta'nang ri ke'nanga?

YEHEZKIEL 20:3

“He tau, a'bicarako siagang anjo sikamma pamimpinga siagang pauangi angkana iNakke, Batara Kaminang Tinggia, akkana kamma anne, ‘Barani sikaliko appala' pangngunju' mae ri Nakke! Lanri iNakke, Allata'ala mattallasaka, taeroKa' nipappalakki pangngunju' ri kau! INakke, Batara Kaminang Tinggia anne akkana.’

YEHEZKIEL 20:31

Ba'lalo sa'genna anne alloa nura'massi kalennu lanri angngerannu passare siagang nutunui ana'-ana'nu salaku koro'bang mae ri barhala-barhalaya. Nampa barani ijako appala' pangngunju' battu ri Nakke? Lanri iNakke, Allata'ala mattallasaka, Batara Kaminang Tinggia, tena nalaKupa'biangko appala' pangngunju' battu ri Nakke.

YEHEZKIEL 33:29

Ri wattunna Kuhukkung anjo bansaya lanri dosa-dosana ke'nanga, siagang Kupa'jari sino anjo pa'rasanganga, naassemmi ke'nanga angkanaya iNakke Batara.”