YEHEZKIEL 33:26 - KITTA' MATANGKASA'

²⁶ Nupattoangi pa'dannu. Panggaukannu appakaringi'-ringiki. Kabusu'nu anggaukangi a'gau' bawanga. Maka barani ijako angngani angkana anne buttaya ikau pata?

YEHEZKIEL 33:26 Referans Kwoze

ZEFANYA 3:3

Sikamma tumalompona anjo kotaya rapangi singa ammarrung-marrunga sa'ranna. Sikamma hakinga rapangi serigala-serigala cipuruka; sanna' angngoana ke'nanga, sa'genna manna sipappaka buku tenamo nasesa untu' ammuko.

PA'JARIANG 27:40

Lattallasakko lanri battu ri pa'dannu, mingka la'jari suronako andi'nu, mingka punna angngewako, lata'lappasakko battu ri kakoasanna.”

PAPPICINI' 21:27

Mingka tau anggaukangai apa appakaringi'-ringika, tau a'balle-ballea, bodona kana, sikontu apa-apa ra'masaka tena sikali nakkulle antama' anjoreng. Ia lanipa'biang antama' iamintu tau niaka bawang tattulisi' arenna lalang ri kitta'Na anjo Ana' Gimbalaka, iamintu Kitta'na Tau Attallasaka.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

1 PETRUS 4:3

Ri wattu allaloa, le'ba'mi sallo nugaukang apa nangaia nagaukang tau tenaya natappa' mae ri Batara. Tena nabaji' batenu appanggaukang ri katallassannu. Nuturukiangi hawa napasunu, angnginung-nginungko sa'gennu nasa'ring, assua'-suarakko, angnginung-nginungko siagang appakaringi'-ringikko anynyomba mae ri barhalaya.

YEHEZKIEL 18:15

Anjo anaka taerokai anynyomba ri barhalana tu Israel, yareka angnganre koro'bang nipassareanga ri tampa'-tampa' panynyombanga ri rewata-rewataya. Tale'bakai nagoda bainenna paranna tau,

YEHEZKIEL 18:6

Tena nanynyomba ri barhalana tu Israel yareka tena nangnganre koro'bang nipassareanga ri tampa'-tampa' panynyombanga ri rewata-rewataya. Tale'bakai naodo' bainenna paranna tau yareka attinro siagang baine battua bulanna.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.

KAIMANGNGANG 20:22

Nakana Batara, “Turuki sikontu hukkungKu siagang parentaKu, sollanna tena nanibongkako battu ri pa'rasangang Kanaan, iamintu pa'rasangang Kutujua angngerangko anne kamma.

KAIMANGNGANG 20:13

Punna nia' tu bura'ne a'gau' bawang siagang paranna tu bura'ne, anjo ke'nanga appakaringi'-ringiki siagang hinai panggaukanna, siagang musti nihukkung mate rua-ruai. Matei ke'nanga lanri salana tonji.

PANGNGEBARANG 6:29

Anjo sangkammai bahayana siagang assikatinroanga siagang bainenna tau maraenga. Inai-nai anggaukangi takkulleai ta'lappasa' battu ri hukkunganga.

YEREMIA 41:7

Tena nasallo battuna ke'nanga ri tangnga-tangnga kotaya, appakkaramulami Ismael siagang sikamma taunna ambunoi ke'nanga. Mingka nia' sampulo battu ri ke'nanga angkana ri Ismael, “Teaki' bunoi ikambe! Nia' ija ruang rupa gandunna ikambe, kammayatompa minynya' zaitun, siagang je'ne' bani. Yangaseng anjo nacokkoi ikambe ri pantaranganna kotaya.” Lanri kammana anjo tenamo nabunoi Ismael ke'nanga, mingka maraenganga nabuno ngasengi nampa napasambila maya'na antama' ri bungunga.

PAMMILANGNGANG 5:29

Kammaminjo paratoranna punna nia' tu bura'ne akkimburu siagang bata-bata angkanaya anjo bainenna le'baki a'gau' bawang siagang nara'massi kalenna. Anjo bura'nea musti naerangi mange bainenna andallekang ri Batara siagang imanga musti nagaukangi anjo paratoranga mae ri ia.

YEREMIA 7:9

A'lukkakko, ammunoko, a'gau' bawangko, sa'bi balle-balleko, assareko koro'bang mae ri Rewata Baal, siagang anynyombako mae ri rewata-rewata tenaya nanuassengi.