YEHEZKIEL 33:25 - KITTA' MATANGKASA'

²⁵ Lanri kammana Nasuroa' Batara Kaminang Tinggia ampabattui anne pasanNa mae ri ke'nanga angkana, “Angnganreko dageng niaka ija cera'na; nusombai barhalaya siagang nugaukangi ammunoa. Barani tojengko angngani anne buttaya angkana ikau pata.

YEHEZKIEL 33:25 Referans Kwoze

PAOLE 12:16

Mingka cera'naji bawang takkullea nukanre, passangalinna musti nutumpai naung ri buttaya sangkamma je'ne'.

PA'JARIANG 9:4

Tena ruanna takkullea nukanre, iamintu dageng niaka ija cera'na, nasaba' anjo nyawaya niaki lalang ri ceraka.

YEHEZKIEL 22:27

Sikamma pagawe-pagawe pamarentana rapangi serigala angkae-kaei apa nakokkoka. Nagaukangi ke'nanga ammunoa lanri poro ero'na anggappa passawallang.

YEHEZKIEL 22:6

Sikontu pamimpinna tu Israel napattoangi kagassingang kalenna siagang nagaukangi ammunoa.

YEHEZKIEL 18:6

Tena nanynyomba ri barhalana tu Israel yareka tena nangnganre koro'bang nipassareanga ri tampa'-tampa' panynyombanga ri rewata-rewataya. Tale'bakai naodo' bainenna paranna tau yareka attinro siagang baine battua bulanna.

KAIMANGNGANG 3:17

Tena sikali nakkulle tu Israel angnganre janna yareka cera'. Anne paratoranga tappakei sa'genna satunggu-tungguna siagang musti nituruki ri sikontu tu Israel manna pole kemae ammantang.

LAMPA-LAMPANA 21:25

Mingka anjo bansa maraenga siagang tappakamo ri Isa, le'ba'mi nikiringi sura' ke'nanga, ampauangi apa le'baka nitappuki, angkanaya: takkulleai ke'nanga angkanrei kanre le'baka nipassareang mae ri barhalaya, takkulleai ke'nanga angnganre cera', yareka takkulleai ke'nanga angnganre olo'-olo' mate niaccekang; siagang takkulleai ke'nanga anggaukangi nikanaya gau' assalimara'.”

LAMPA-LAMPANA 15:29

teako angnganrei kanre le'baka nipassareang mae ri barhalaya; teako angnganrei cera', teako angnganrei olo'-olo' mate niaccekanga, siagang pakabellai kalennu ri gau'-gau' assalimaraka. Punna nupakabella ngasemmo kalennu ri apa-apa kammaya anjo, nugaukammi nikanaya kabajikang. Sikammamo anne, poro salama' ngasengko!”

YEHEZKIEL 22:9

Ri alla'na pandudu'nu nia' tau nangai appasisala-salaya siagang ampitinai paranna tau sollanna nanihukkung mate anjo paranna tau. Nia' todong nangai angnganre dageng le'baka nikoro'bangkang mae ri barhalaya. Nia' todong nangai a'gau' bawanga.

YEHEZKIEL 18:15

Anjo anaka taerokai anynyomba ri barhalana tu Israel, yareka angnganre koro'bang nipassareanga ri tampa'-tampa' panynyombanga ri rewata-rewataya. Tale'bakai nagoda bainenna paranna tau,

YEHEZKIEL 18:12

Nangai annipu tu kasi-asi, angngella', naalle barang-barang napappita'gallanga taua mae ri ia. A'lampai mange ri balla' rewatana tau tenaya natappa' ri Batara siagang anynyombaya barhala appakaringi'-ringi'.

YEHEZKIEL 9:9

Appiali Allata'ala angkana, “Tu Israel siagang tu Yehuda le'baki nagaukang dosa lompo dudua. Nagaukangi ke'nanga pammunoanga ri sikontu tampaka, siagang nara'massi Yerusalem lanri kaja'dallanna ke'nanga. Nakana ke'nanga angkana iNakke, Batara, Kubokoimi anne pa'rasanganga, sa'genna takkulleami Kucini' panggaukanna ke'nanga.

PAMMUJI 24:4

Tu tenaya callanna pikkiranna siagang panggaukanna, tenaya nassumpa napare'-pare' siagang tenaya nanynyomba barhala.

PAOLE 4:19

Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.

KAIMANGNGANG 19:26

Teako angnganrei cera'. Teako ammakei pangngassengang baca-baca.

PAOLE 12:23

Mingka dageng niaka ija cera'na takkulleai nukanre, lanri anjo nyawaya niaki lalang ceraka, nampa takkulleako angkanrei nyawaya siagang dagenna.

PAOLE 15:23

Cera'na takkulleai nukanre, mingka musti nutumpai naung ri buttaya sangkamma je'ne'.”

YEREMIA 7:21

Nakana Batara, “He ummakKu, nuassengi angkanaya anjo passare nutunua irate ri tampa' pakkoro'bangnganga musti nitunui sa'genna cappu', nampa passare maraenga akkullei nukanre. Mingka iNakke, Batara, Kukana, allemi kanre ngaseng!

KAIMANGNGANG 7:20

Punna nia' tau angkanrei anjo dagenga ri wattu ra'masa'na, tenamo nanibilangi anggota umma'Na Allata'ala.

KAIMANGNGANG 7:21

Punna nia' tau angkanrei anjo dageng koro'banga ri wattu le'ba'na nasero apa-apa ra'masaka, baji' na apa-apa battua ri rupataua kammayatompa na apa-apa battua ri olo'-oloka, tena tommo nanibilangi anggota umma'Na Allata'ala.

YEREMIA 7:15

LaKubongkako battu ri dallekangKu sangkamma le'ba'na Kubongka bija-bijannu, umma' Israel.”

YEHEZKIEL 22:3

Nasuroa' Batara Kaminang Tinggia ampabattui anne pasanNa mae ri Yerusalem, angkana, “Ikau salako lanri le'bakko ammuno jai tau battu ri pandudu'nu tonji, siagang nura'massi kalennu lanri anynyombako mae ri barhala-barhala nupareka kalennu. Lanri kammana anjo a'reppese'mi wattunnu laniadeli siagang lanarapi'mi kala'busang riwaya'nu. LaKubalang parekangko nicau-cau siagang nikakkali ri bansa-bansaya siagang ri sikontu pa'rasanganga.

YEHEZKIEL 36:18

Kupa'betteseki larroKu mae ri ke'nanga lanri jaina pammunoang le'ba' nagaukang ke'nanga ri anjo buttaya, kammayatompa nara'massi siagang barhala-barhalana ke'nanga.