YEHEZKIEL 33:16 - KITTA' MATANGKASA'

¹⁶ Tena nalaKuu'rangi pole dosa-dosana le'baka nagaukang, siagang lattallasaki lanri nagaukangi apa annabaya siagang bajika.

YEHEZKIEL 33:16 Referans Kwoze

YEHEZKIEL 18:22

Sikontu dosana lanipammopporangi; lattallasaki lanri nagaukangi apa annabaya.

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

ROMA 5:16

Bella todong lompona hadiaNa Allata'ala punna nipasiukkuruki siagang dosana anjo se'rea tau. Nasaba' ri wattunna dorakamo anjo se'rea tau, nitappukimi angkanaya, “salai.” Mingka ri wattunna jaimo tau doraka, battumi hadiaNa Allata'ala angkanaya, “Tena nasala.”

ROMA 5:21

Jari sangkamma angkanaya musti mateki' passabakkang nigaukanna dosaya, sangkamma tomminjo Nasare maki' oloang Allata'ala sollanta assibajiki ammotere' siagang Ia, lanri mangngamaseanNa mae ri katte. Na lanri baji'mi ammotere' passisambunganta siagang Allata'ala, laNasare tommaki' katallassang mannannungang tete ri Isa Almasi, Batarata.

YEHEZKIEL 33:17

Mingka anjo bansaya nakana angkanaya anjo tindakangKu tena naadele'! Padahala' tindakanna ke'nanga tena naadele'.

PAMMUJI 103:9

Tena Natuli angga'gara', siagang tena Natuli larro satunggu-tungguna.

YEHEZKIEL 20:11

Anjoreng Kusarei ke'nanga parenta-parentaKu siagang Kupangngajarrangi mae ri ke'nanga hukkung-hukkungKu mustia naturuki ke'nanga, nasaba' inai-nai anturuki iami latuli attallasa'.