YEHEZKIEL 33:10 - KITTA' MATANGKASA'

¹⁰ Nakana Batara ri nakke, “He tau, pau poleangi mae ri bansa Israel anne kananna ke'nanga, ‘Ta'ronangi tallasa'na ikambe lanri nijallakkanna ri dosana siagang kaja'dallanna ikambe. Antekamma nakkulle ikambe attallasa'?’

YEHEZKIEL 33:10 Referans Kwoze

YEHEZKIEL 37:11

Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.

YEHEZKIEL 24:23

Tena nula'jappa nutammakea soro'bang yareka pa'lapa' bangkeng, tena nuppiraung siagang angngarru'. Pila' lata'ronangi tallasa'nu lanri dosa-dosanu; lakkunrarengko mae ri massing para ikau.

YESAYA 49:14

Mingka nakana pandudu'na Yerusalem, “Nabokoi maki' Batara, Nakaluppai maki' Batarata.”

YEHEZKIEL 4:17

Latappu' panrannuangi ke'nanga lanri kala'busangi ri roti siagang je'ne', nampa kale'bakkanna lamatei ke'nanga lanri dosa-dosana.”

KAIMANGNGANG 26:39

Naia niaka sike'de' ammantang tassesa battu ri kau, attallasaka ri pa'rasanganna musunnu, lata'ronang-ronangi lanri dosa kalenna siagang dosana boe-boena.

YEREMIA 2:25

He Israel, teako lari mange angngondangi rewata-rewataya, siagang teako ammarrangngi angkioki ke'nanga, kabokkaki sallang bangkennu nakalotoro' karro'-karro'nu napakamma turere. Angkanako, ‘Tena, tena oloku lakkulle ammotere' nasaba' kungaina rewata-rewataya, nakuero' amminawang ri ke'nanga.’ ”

YESAYA 51:20

Tunggala' ri cappa'na aganga tu'guru' ngasengi taunnu lanri cappu'mi kagassinganna rapang jonga nialle ri tado'. Nitujui ke'nanga ri pangngalarroiNa Batara, siagang nitabai ri pangga'gara'Na Allata'alanu.

PAMMUJI 130:7

Manrannuangko mae ri Batara, he umma'Na, saba' Ia tuli mangngamaseanna, siagang tulusu' sadiana ero' appasalama'.

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

2 PATTOTTORANG 34:24

‘LaKuhukkungi Yerusalem siagang sikontu pandudu'na; laKutunrai sangkamma niaka tattulisi' lalang ri anjo kitta' le'baka nibacakang mae ri karaenga.

EZRA 9:15

O, Batara, Allata'alana Israel. IKatte adelekki', mingka Kilappassang iji attallasa' ikambe. Namangakuimi kasalanna ikambe mae ri Katte, tasiratangami ikambe untu' andallekang ri dallekang mala'biritTa.”

YEHEZKIEL 18:19

Mingka nia' kapang tau akkuta'nang angkana angngapa anjo anaka natena natanggongi dosa-dosana manggena. Pialinna iamintu, lanri anjo anaka bajiki siagang lambusuki. Ia mannuruki ri hukkung-hukkungKu siagang majarreki anggaukangi, jari tuli lattallasaki.