YEHEZKIEL 32:19 - KITTA' MATANGKASA'

¹⁹ Paui mae ri ke'nanga, angkana, ‘Nukapangi angkana ikau kaminang ga'ga? Lanaungko ri linona tau matea, siagang nipara'bako ri alla'na tau tenaya natappa' ri Allata'ala.’

YEHEZKIEL 32:19 Referans Kwoze

YEHEZKIEL 31:18

Anjo poko' kayua a'jari pangngebarangi mae ri karaeng Mesir siagang bansana. Tena poko' kayu ri Eden kammaya anjo tinggina siagang la'biri'na. Mingka kamma-kamma anne, sangkamma todong poko'-poko' kayu ri Eden anjo poko' kayua lanaung tongi ri linona tau matea nampa asse're siagang ke'nanga tenaya natappa' ri Allata'ala, siagang sikamma tau matea lalang pa'bundukang. INakke, Batara Kaminang Tinggia, anne akkana.”

YEHEZKIEL 32:24

Elam niaki anjoreng siagang kuburu'na tantarana ri tammulilina. Tena nisunnaki ke'nanga, namate ngaseng lalang ri pa'bundukang, nampa naung ri linona tau matea. Ri wattunna attallasa' ke'nanga appakamallaki, mingka kamma-kamma anne matemi ke'nanga siagang musti natanggongi siri'-sirika siagang ngaseng sikamma tau matea lalang pa'bundukang.

YEHEZKIEL 32:21

Sikamma tubarani gammaraka siagang sikamma tau naaganga Mesir sita'gala' lalang pa'bundukang, lanaruppai siagang rannu kabattuanna tu Mesir antama' ri linona tau matea. Akkio' rannui ke'nanga angkana, ‘Sikamma anjo tau tenaya natappa' ri Allata'ala, matemi lalang pa'bundukang. Kamma-kamma anne battumi mae ke'nanga siagang anra'ba anrinni.’

YEHEZKIEL 31:2

“He tau, pabattui pasangKu anne mae ri karaeng Mesir siagang sikontu bansana: Tojeng, hebaki kalompoannu! Tena akkulle ampasangkammaiko!

YEHEZKIEL 28:10

Ikau lamateko sangkamma tau hina, lanri nibunoko ri bansa maraeng, tenaya natappa' ri Allata'ala. INakke, Batara Kaminang Tinggia, anne akkana.”

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

YEHEZKIEL 32:26

Mesekh siagang Tubal niaki anjoreng, nikulilingi ri kuburu'na sikamma tantarana ke'nanga. Tena nisunnaki ke'nanga, namate ngaseng lalang pa'bundukang. Ri wattunna attallasa' ke'nanga appakamallaki ri linoa.