YEHEZKIEL 32:10 - KITTA' MATANGKASA'

¹⁰ Tojeng, laKusoeangi pa'dangKu nampa Kubetako. Sikamma karaenga siagang bansa-bansaya lanaciniki anjo tindakangKu mae ri kau. Anjo wattua lannekkereki ke'nanga napakamma malla', siagang lanri malla'na mate.’ ”

YEHEZKIEL 32:10 Referans Kwoze

YEHEZKIEL 27:35

Sikontu tau ammantanga ri biring tamparanga annekkereki allangngereki sarennu. Manna karaeng-karaenna ke'nanga sanna' todong malla'na; anjo malla'na ke'nanga a'nassai ri rupanna ke'nanga.

YEHEZKIEL 26:16

Nacini'na sarennu kammaya, sikamma karaeng battu ri bansa-bansa niaka ri biring tamparanga, nala'gasi juba kalompoanna siagang baju sulanna ke'nanga, nampa ammenteng battu ri empoang kakaraenganna, namange ammempo ri buttaya annekkere'. Teai sipato' malla'na ke'nanga sa'genna takkulleami sannang nyawana.

PAPPICINI' 18:10

Lammenteng battu bellami ke'nanga lanri mallaki ke'nanga nitaba todong ri kasessanna. Nakanamo ke'nanga, “Adudu, teai sipato' cilakana anne kota masahoroka, kota Babel kassaka! Sinampe' duduji sallona hukkunganTa naKiposso'mo!”

ZAKHARIA 11:2

He poko' daru, appiraungko, lanri rumbammi poko'-poko' camaraya, anra'bami sikamma poko' porea ngaseng. He poko'-poko' lompoa ri Basan, angngarrukko. Nasaba' le'ba'mi nibattasa' romang-romang lompoa sa'genna lappara'.

YEHEZKIEL 30:9

Punna narapi' anjo alloa, nampa ancuru'mo Mesir, laKukiringi sikamma suroKu siagang kappala' jai untu' ampata'bangkai tu Sudan tenaya bata-batana, sa'genna a'jari malla'mo ke'nanga. Tojeng, anjo allo kammaya lanarapiki wattunna labattu!”

YEREMIA 51:9

Tau annompanga ammantang anjoreng massing nakanamo para ia, ‘Niusahaimi antulungi Babel, mingka tala'mi! Bajikangngang nibokoimi anne pa'rasanganga nakimassing ammotere' mange ri pa'rasanganta. Nahukkummi Batara Babel siagang hukkungang lompo, naancuru' taba sikalimi.’ ”

1 KARAENG-KARAENG 9:8

Anne balla' passambayanganga la'jari se're pa'gompoang batu-batu ta'bongkara', sa'genna sikamma tau ammaloa anjoreng lata'bangka ngasengi siagang a'jari sannaki malla'na anciniki. Lanakana ke'nanga, ‘Angngapa Napakammai anne Batara anne pa'rasanganga siagang anne ballaka?’

PAOLE 32:41

Punna le'ba' Kukantisi' pa'dangKu sa'genna accilla', laKupajappai kaadelanga. La'balasakKa' mae ri sikontu musua; Kuhukkungi tau birisika ri Nakke.

PAOLE 29:24

Nalakkuta'nammo sikontu linoa angkana, ‘Angngapa Nappanggaukang kamma anjo Batara mae ri pa'rasanganna ke'nanga? Apa saba'na Nalarro dudu kamma anjo?’

YESAYA 30:32

Lalang napisa'ringinna sikamma pannunrunNa, umma'Na Batara assannang-sannangi appasa'ra musi' ganrang, siagang kacapi. KalenNa Allata'ala la'bundu' angngewai tu Asyur.