YEHEZKIEL 31:8 - KITTA' MATANGKASA'

⁸ Poko'-poko' camara ri Eden, kokonNa Allata'ala takkulleai nipasangkamma siagang ia. Tena camara akkulle ambetai, tena poko' kayu la'bu kamma tangkenna. Tojeng, ri kokonNa Allata'ala tena poko' kayu sangkamma ia ga'gana.

YEHEZKIEL 31:8 Referans Kwoze

YEHEZKIEL 28:13

Tampa' pammantangannu ri Eden, iamintu kokonNa Allata'ala. Pakeannu nibelo-beloi sangka' rupa paramata: paramata batu delima siagang intang, topasa', batu pirusu', batu yaku', ratna, campaka, batu nilang, samru' siagang batu alkali eja. Belo-belo bulaennu jai todong. Anjo barang-barang kammaya nipareki untu' ikau ri allo nipa'jarinu.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

PAMMUJI 80:10

IKatte ansadiakangi butta ke'nanga; jari angngaka' lantammi anjoreng a'la'ba' mae ri sikontu pa'rasanganga.

PA'JARIANG 13:10

Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)

YEHEZKIEL 31:18

Anjo poko' kayua a'jari pangngebarangi mae ri karaeng Mesir siagang bansana. Tena poko' kayu ri Eden kammaya anjo tinggina siagang la'biri'na. Mingka kamma-kamma anne, sangkamma todong poko'-poko' kayu ri Eden anjo poko' kayua lanaung tongi ri linona tau matea nampa asse're siagang ke'nanga tenaya natappa' ri Allata'ala, siagang sikamma tau matea lalang pa'bundukang. INakke, Batara Kaminang Tinggia, anne akkana.”

YEHEZKIEL 31:16

Ri wattunna Kupanaung anjo pokoka ri linona tau matea, sa'ra tu'guru'na lanapannekkereki bansa-bansaya. Sikontu poko'-pokoka ri Eden siagang poko'-poko' nipilea ri Libanon, ia anggappaya je'ne' allumpa-lumpa, siagang naungamo ri lino kaminang rawaya lasannangi nyawana lanri tu'guru'na anjo poko' kayua.

PAMMUJI 37:35

Le'baka' accini' tu ja'dala' na nangai borro pauna; sanrapangi poko' coppong siagang lantang aka'na.

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

KELONG MALA'BIRI' 5:15

Bangkenna rapangi benteng-benteng tembo' accilla' kebo', nilangga ri bulaeng ti'no'. Pakkaleanna sanrapangi bulu'-bulu' Libanon, gammara' kamma poko' kayu arasa'.

YEHEZKIEL 31:3

Ikau rapangko poko' camara Libanon gammaraka rassi tangke coppong leko'na na ga'ga. Poko'na lambusuki na lompo coppo'na narapiki rammanga.

YEHEZKIEL 31:7

Anjo pokoka ga'gai nicini'; lambusuki poko'na, la'bui tangkenna. Aka'na annarrusuki bella naung nagappai timbuseng je'neka ilalang ri buttaya.