YEHEZKIEL 31:6 - KITTA' MATANGKASA'

⁶ Sangka' rupa jangang-jangang a'ru'mung ri tangkenna. Olo'-olo' liaraka ammana' irawa ri la'lanna. Sikontu bansa lompoa ri lino ammempo a'la'lang irawanganna.

YEHEZKIEL 31:6 Referans Kwoze

MATIUS 13:32

Anjo lisere' lamunganga, iami lisere' lamungang kaminang ca'di ri linoa. Mingka punna attimbomo anjo lisere' lamunganga, iami a'jari poko' kaminang lompo ri sikamma lamung-lamungang niaka anjoreng. A'jarimi poko' lompo, sa'genna battumo jangang-janganga appare' ru'mung ri tangke-tangkenna.”

YEHEZKIEL 17:23

Ri moncong kaminang tinggi ri Israel Kupatinting. Anjorengi laccu'la' siagang a'rappo nampa a'jari poko' camara sannaka porena. Sangka' rupa jangang-jangang la'ru'mung anjoreng siagang a'la'lang irawanganna.

DANIEL 4:21

Leko'-leko'na coppongi siagang rapponna roasaki sa'genna angganna' untu' assarei kanre sikontu bonena linoa. Sikamma olo'-olo' liaraka anra'bai irawa ri la'lanna, siagang jangang-janganga a'ru'mungi ri tangke-tangkenna.

DANIEL 4:12

Leko'-leko'na sanna' copponna, siagang teai sipato' roasa'na rapponna, akkullei angganna' nikanre ri bonena sikontu linoa. Olo'-olo' liaraka anra'bai irawa ri la'lanna kammayatompa jangang-janganga a'ru'mungi ri tangke-tangkenna. Na sikontu apa-apa attallasaka akkullei nakanre rapponna.

MARKUS 4:32

Mingka ri wattunna attimbomo, iami a'jari poko' kaminang lompo ri sikamma poko'-poko' lu'muka poko'na. Sanna' copponna tangke-tangkenna, sa'genna akkulle napa'ru'mungi siagang napa'la'langi jangang-jangang.”

YEHEZKIEL 31:7

Anjo pokoka ga'gai nicini'; lambusuki poko'na, la'bui tangkenna. Aka'na annarrusuki bella naung nagappai timbuseng je'neka ilalang ri buttaya.

YEHEZKIEL 31:13

Jangang-janganga labattui na'dangka' ri anjo poko' anra'bayamo, siagang olo'-olo' liaraka lanaonjo'-onjokangi tangke-tangkenna.

YEHEZKIEL 31:17

Lanarurungangi ke'nanga mange ri linona tau matea nampa asse're siagang ke'nanga rioloangnganga tu'guru'. Nampa sikontu anjo le'baka ammempo irawanganna anjo poko' kayua lanipasiaraki ri alla'na bansa-bansaya.

DANIEL 4:10

Ri wattungku lalang tinro, nia' kucini' se're poko' kayu attimbo ri tangnga-tangngana buttaya.

PAMMUJI 104:17

Anjoremmi a'ru'mung jangang-janganga, jangang-jangang ranggung a'ru'mung ri coppo'na.