YEHEZKIEL 31:18 - KITTA' MATANGKASA'

¹⁸ Anjo poko' kayua a'jari pangngebarangi mae ri karaeng Mesir siagang bansana. Tena poko' kayu ri Eden kammaya anjo tinggina siagang la'biri'na. Mingka kamma-kamma anne, sangkamma todong poko'-poko' kayu ri Eden anjo poko' kayua lanaung tongi ri linona tau matea nampa asse're siagang ke'nanga tenaya natappa' ri Allata'ala, siagang sikamma tau matea lalang pa'bundukang. INakke, Batara Kaminang Tinggia, anne akkana.”

YEHEZKIEL 31:18 Referans Kwoze

YEHEZKIEL 32:19

Paui mae ri ke'nanga, angkana, ‘Nukapangi angkana ikau kaminang ga'ga? Lanaungko ri linona tau matea, siagang nipara'bako ri alla'na tau tenaya natappa' ri Allata'ala.’

YEHEZKIEL 32:21

Sikamma tubarani gammaraka siagang sikamma tau naaganga Mesir sita'gala' lalang pa'bundukang, lanaruppai siagang rannu kabattuanna tu Mesir antama' ri linona tau matea. Akkio' rannui ke'nanga angkana, ‘Sikamma anjo tau tenaya natappa' ri Allata'ala, matemi lalang pa'bundukang. Kamma-kamma anne battumi mae ke'nanga siagang anra'ba anrinni.’

YEHEZKIEL 28:10

Ikau lamateko sangkamma tau hina, lanri nibunoko ri bansa maraeng, tenaya natappa' ri Allata'ala. INakke, Batara Kaminang Tinggia, anne akkana.”

MATIUS 13:19

Anjo bine takkioroka ri aganga, iaminjo a'jari pangngebarang mae ri tau allangngerekami ri passala' antekamma bateNa Allata'ala ammarenta, mingka tanapahangai anjo kabaraka. Battui kaja'dallanga angngalleangi anjo apa le'baka nipakioro' ri atinna ke'nanga.

YEHEZKIEL 31:16

Ri wattunna Kupanaung anjo pokoka ri linona tau matea, sa'ra tu'guru'na lanapannekkereki bansa-bansaya. Sikontu poko'-pokoka ri Eden siagang poko'-poko' nipilea ri Libanon, ia anggappaya je'ne' allumpa-lumpa, siagang naungamo ri lino kaminang rawaya lasannangi nyawana lanri tu'guru'na anjo poko' kayua.

YEHEZKIEL 31:2

“He tau, pabattui pasangKu anne mae ri karaeng Mesir siagang sikontu bansana: Tojeng, hebaki kalompoannu! Tena akkulle ampasangkammaiko!

PAMMUJI 52:7

Mingka ikau lanipossokko ri Allata'ala satunggu-tungguna; nijakkalakko siagang nire'resangko battu lalang ri balla'nu, siagang nipa'lanynyakko battu ri linona tau attallasaka.

1 KORINTUS 10:14

Lanri kammana, sikamma sari'battang kukamaseanga, paralluko angkabirisi anjo panggaukang anynyombaya mae ri barhalaya.

YEHEZKIEL 32:10

Tojeng, laKusoeangi pa'dangKu nampa Kubetako. Sikamma karaenga siagang bansa-bansaya lanaciniki anjo tindakangKu mae ri kau. Anjo wattua lannekkereki ke'nanga napakamma malla', siagang lanri malla'na mate.’ ”

YEHEZKIEL 31:9

INakkemi ampa'jari ga'gai siagang tangke-tangke la'bu na coppong. Sikontu poko' kayua ri kokonNa Allata'ala assereati ngaseng mae ri ia.

2 PATTOTTORANG 28:22

Lalang ri wattu anjo kasukkaranga, ba'lalo pila' dorakaji Ahas mae ri Batara.

2 SAMUEL 1:20

Dasi-dasi natanalangngera tu Gat anjo kabaraka. Dasi-dasi sepe'-sepe' Askelon tanagappayai kabara'na anjo passalaka. Gassingka akkio' rannui bai'-baine tu Filistin gassingka suaraki akkio' baine kapereka.

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

YEHEZKIEL 31:8

Poko'-poko' camara ri Eden, kokonNa Allata'ala takkulleai nipasangkamma siagang ia. Tena camara akkulle ambetai, tena poko' kayu la'bu kamma tangkenna. Tojeng, ri kokonNa Allata'ala tena poko' kayu sangkamma ia ga'gana.

YEHEZKIEL 31:14

Kabusu'na anjo sikammaya kajariangi sollanna appakkaramula anne wattua, tenamo pole poko' kayu lattimbo kamma anjo tinggina; tenamo coppo' poko' kayu lanrapi' nai' ri rammanga manna pole nanggappa je'ne' allumpa-lumpa. Kabusu'na musti matei sangkamma rupatau biasaya, nampa asse're siagang sikamma tau naungamo ri linona tau matea.”