YEHEZKIEL 31:12 - KITTA' MATANGKASA'

¹² Anjo tantara bansa maraeng tenaya nangngasseng appamopporang lanata'bangi anjo poko'ka nampa nabalang parekang. Tangkenna anjo tepokamo tu'gu'-tu'guru' ngasemmi ri sikontu buluka siagang ka'bunga ri anjo pa'rasanganga. Sikontu bansa niaka irawa kakoasanna la'lampa ngasengi ambokoi.

YEHEZKIEL 31:12 Referans Kwoze

YEHEZKIEL 35:8

Sikamma monconga laKutongkoki siagang maya'-maya'nu, buluka siagang ka'bunga laKupirassi siagang tau mate lalang pa'bundukang.

HABAKUK 1:6

Bansa Babel sekkeka siagang pallaka laKupa'jari bansa makoasa. A'barrisiki ke'nanga assulu' battu ri pa'rasanganna nampa najappai sikontu linoa untu' ambetai bansa-bansa maraenga.

YEHEZKIEL 30:11

Nebukadnezar siagang tantarana tenaya nangngasseng appamopporang labattui nampa naancuru' anjo buttaya. Lanabunduki ke'nanga Mesir siagang pa'dang, siagang latassiaraki mayaka ri anjo pa'rasanganga.

PAPPICINI' 17:16

Anjo sampuloa tanru' siagang anjo olo'-olo' nucinika labirisiki mae ri anjo pasundalaka. Lanarampasaki ke'nanga sikamma apa-apa niaka ri ia, siagang lanapa'jari assolaraki. Lanakanrei ke'nanga assinna siagang lanaancuruki siagang pepe'.

HABAKUK 1:11

Nampa linta' kamma anging a'lampa ngaseng anjo tau ampare' rewatayai kagassingang kalenna.”

YEHEZKIEL 39:4

Irate ri daera moncong-monconna Israel, lamate Gog siagang sikontu tantarana kammayatompa sikontu naaganga sita'gala'; nampa maya'-maya'na ke'nanga laKupassareangi mae ri jangang-janganga siagang olo'-olo' sekkeka untu' nakanre.

YEHEZKIEL 35:5

Battu riolo iji nanumusu Israel siagang nulappassang ke'nanga nibuno ri wattunna nituju ri bala salaku hukkungang kala'busang mae ri dosana ke'nanga.

YEHEZKIEL 32:12

Tantara battua ri bansa-bansa pallaka laKusuroi ambi'buki pa'danna ke'nanga nampa nabuno sikontu ra'ya'nu. Ra'ya'nu siagang sikontu apa nakalompoanga pa'mai'nu laancuru' taba sikali ngasengi.

YEHEZKIEL 7:21

Nakana Batara ri bansa Israel, “LaKulappassangi bansa maraenga angngellakko. Sikamma tau ja'dalaka lanarampasaki barang-barannu nampa nara'massi.

YEHEZKIEL 30:12

LaKupa'jari kalotoroki Binanga Nil siagang Kupassareangi sikontu Mesir mae ri sikamma tau ja'dalaka. LaKusuroi bansa-bansa maraenga angngancuruki anjo sikontu pa'rasanganga. INakke, Batara, anne akkana.”

YEHEZKIEL 31:17

Lanarurungangi ke'nanga mange ri linona tau matea nampa asse're siagang ke'nanga rioloangnganga tu'guru'. Nampa sikontu anjo le'baka ammempo irawanganna anjo poko' kayua lanipasiaraki ri alla'na bansa-bansaya.

DANIEL 4:11

Anjo poko' kayua sanna' tinggina; batanna lompoi na kassa'. Coppo'na sa'gennai langika, sa'genna akkullei nicini' ri sikontu niaka ri buttaya.