YEHEZKIEL 31:11 - KITTA' MATANGKASA'

¹¹ Jari laKutollaki siagang laKupassareangi mae ri pamarenta bansa maraeng, nanagaukang mae ri ia apa situruka siagang panggaukanna.

YEHEZKIEL 31:11 Referans Kwoze

NAHUM 3:18

He karaenna pa'rasangang Asyur! Matemi sikamma guburnurnu, siagang sikamma bupatinu tinro tulusu'mi satunggu-tungguna. Ra'ya'nu tassia'-siara'mi ri moncong-monconga, natena manna sitau akkulle angngerangi ke'nanga ammotere'.

PAOLE 18:12

Nikabirisi ri Allata'alanu tau anggaukangai panggaukang-panggaukang ja'dala' kammaya anjo, siagang iaminjo saba'na nanapakabella anjo bansa-bansaya battu ri dallekannu.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

1 TIMOTIUS 1:20

Kammayami Himeneus siagang Aleksander. Anjo tau ruaya le'ba'mi kupassareang mae ri Billisika, sollanna akkulle ke'nanga appilajara' ammari ancalla-callai Allata'ala.

YEHEZKIEL 23:28

Nakana Batara Kaminang Tinggia, “LaKupassareangko mae ri sikamma tau appakalanre nukabirisia.

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

YEHEZKIEL 11:9

LaKuerangko assulu' battu ri kotaya nampa Kupassareangko mae ri bansa maraeng. Le'ba'mi Kutappuki angkana laKuhukkung mateko.

PIRAUNG 1:21

O Batara, pilangngeri kunrarengku, taenamo ansaleoria'. Rannumi musu-musungku, lanri Kipitujuingku bala. Kipabattu lalomi anjo allo le'baka Kipa'janjiang; Kipa'risimi ke'nanga kamma inakke.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

HAKING-HAKING 16:23

Ri se'reang wattu a'rappungammi sikamma tukoasana tu Filistin. Eroki ke'nanga assua'-suara' siagang assare koro'bang mae ri Dagon, iamintu rewata nasombaya ke'nanga. Akkelong-kelommi ke'nanga angkana, “Nasaremaki' pammetang mae ri Simson, musunta!”

HAKING-HAKING 1:7

Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.

PA'JARIANG 3:24

Nampa irayanganna anjo kokoa, ri dallekanna pakke'bu antamaya, nia'mo sipa'rappungang malaeka' pajaga, siagang nia'mo se're pa'dang a'rinraya pepe'na, amminroa ri kere-keremae, anjagai agang mangea ri anjo poko' assarea katallassang. Jari tenamo manna sitau akkulle antama' siagang a'reppese' anjoreng ri anjo pokoka.

PAMMUJI 119:126

O, Batara, narapi'mi wattunTa angngalle tindakang, lanri nadakkai taua hukkunTa.

YEREMIA 50:18

Lanri kammana anjo, iNakke, Batara Kaminang Koasaya, iamintu Allata'alana Israel, langhukkungi Karaeng Nebukadnezar siagang pa'rasanganna, sangkamma batena Kuhukkung karaeng Asyur.

YEHEZKIEL 30:10

Nakana Batara Kaminang Tinggia, “LaKupakei Karaeng Nebukadnezar battu ri Babel untu' angngancuruki sikontu kakalumanynyangnganna Mesir.

YEHEZKIEL 30:11

Nebukadnezar siagang tantarana tenaya nangngasseng appamopporang labattui nampa naancuru' anjo buttaya. Lanabunduki ke'nanga Mesir siagang pa'dang, siagang latassiaraki mayaka ri anjo pa'rasanganga.