YEHEZKIEL 30:5 - KITTA' MATANGKASA'

⁵ Lalang ri anjo pa'bundukanga lanibuno tommi sikamma tantara nisewaya battu ri Sudan, Lidia, Libia, Arab, Kub siagang ba'lalo battu ri bansa KalengKu.”

YEHEZKIEL 30:5 Referans Kwoze

YEHEZKIEL 27:10

Tantara-tantara battu ri Persia, Lidia siagang Libia antamaki ri tantaranu. Nagentungi ke'nanga pannangkisi'na siagang topi bajana ri tembo'-tembo' kotanu. Le'ba' mako nabantu ke'nanga ambetai musu-musunnu siagang pila' katambangi masahoro'nu.

YEREMIA 50:37

Ancuruki jaranna siagang kareta bundu'na! Ancuruki sikamma tantara nisewana! Tamaka lammana ke'nanga! Ancuruki kakalumanynyangnganna Babel! Alleangi barang-baranna!

YEREMIA 46:9

A'lumbako, he jarang! A'giokko, he kareta! Majuko, he tubarani angngeranga pannahang, battua ri Sudan siagang Libia. Kamma todong ikau, he sikamma tucara'deka ammake sanjata pana, battua ri pa'rasangang Lidia.’ ”

YEREMIA 44:27

LaKuusahai sollanna anggappako cilaka siagang tena numate'ne, sa'gennu mate kabusu', baji' lanri pa'bundukang kammayatompa lanri garring.

YESAYA 20:4

Lanaallei karaeng Asyur natahang taua ri anjo ruaya pa'rasangang siagang laniembai ke'nanga assolara'. Tau toa tau rungka, yangasenna la'jappai tammake baju siagang pa'lapa' bangkeng nakacinikang pajana, a'jari tanra nihinana tu Mesir.

YESAYA 18:1

Battu ba'le ri se'reang pa'rasangang ba'leanna binanga-binanga Sudan, nia' kalangngerang sa'ra kape'-kape'na olo'-olo' anri'babaka.

YEHEZKIEL 38:5

Nirurungangi karaenga ri tantara-tantara Persia, Sudan siagang Libia, massing angngeranga pa'dang siagang topi baja.

DANIEL 11:43

Lanarampasaki barang-baranna Mesir kammayami bulaeng, pera' siagang barang-barang maraengannaya tinggi sikalia anggaranna. Lanibantui ri tu Libia siagang tu Sudan.

2 PATTOTTORANG 12:3

siagang 1.200 kareta bundu', 60.000 tantara a'jarang, kammayatompa pasukang sannaka jaina sa'genna takkullea nirekeng, kammayami pasukang Libia, Suki siagang Sudan, untu' ambunduki tu Yerusalem.

ZEFANYA 2:12

Kammayatompa pandudu'na Sudan lanihukkung mate tongi ri Batara.