YEHEZKIEL 30:4 - KITTA' MATANGKASA'

⁴ Bala lompo lantujui Sudan. Ri Mesir lania' pa'bundukang. Jai tau lamate; niellaki sikontu pa'rasanganga siagang lanipa'jari rumbangngang.

YEHEZKIEL 30:4 Referans Kwoze

YEHEZKIEL 29:19

Lanri kammana anjo, iNakke Batara Kaminang Tinggia Kukana: Butta Mesir laKupassareangi mae ri Karaeng Nebukadnezar. Lanaellaki siagang lanarampasaki kammayatompa lanaengkaki sikontu anjo kakalumanynyangnganna Mesir salaku sawala'na tantarana.

YEHEZKIEL 29:8

Lanri kammana anjo, iNakke, Batara Kaminang Tinggia, Kukana ri kau angkanaya lappabattuA' tantara untu' ambundukiko siagang pa'dang, kammayatompa nabunoi pandudu'nu siagang olo'-olo'nu.

YEHEZKIEL 29:12

LaKupa'jari Mesir sino sikali, sa'genna ri sikontu pa'rasangang sino maraenga, Mesir kaminang sino. Lalang patampulo taung sallona kota-kotaya ri Mesir lattambungi a'jari loro, bella la'bi panra'na nakota-kota attambung maraenganga. Bansa Mesir laKupa'jari tau annompang ri pa'rasangang maraeng. Latassiaraki ke'nanga mange ri sikontu pa'rasangang maraeng siagang anjorengi ri tangnga-tangngana bansa maraenga ammantang.”

YEREMIA 50:15

Ammarrangko akkio' bundu' ri tammulilina anjo kotaya! Kamma-kamma anne manyarami Babel. Tembo'-tembo'na le'ba'mi nilappo siagang niruntung. Kamma-kamma anne Kugaukangi pa'balasaka mae ri Babel. Lanri kammana anjo gaukammi mae ri ke'nanga sangkamma nagaukanga ke'nanga mae ri tau maraenga.

YESAYA 19:2

Nakana Batara, “LaKupa'jari pa'bundukanga ri para tussari'battanga ri Mesir: Sari'battang ambaliangi sari'battanna, siampi' balla'na ambaliangi siampi' balla'na, kota se'reanga ambaliangi kota maraenganga siagang kakaraengang se'rea ambaliangi kakaraengang maraengannaya.

YESAYA 16:7

Lanri kammana anjo, lappassammi anjo bansa Moab sikarruki. Lappassammi ke'nanga angngarru' punna nau'rangi kanre nyamang biasaya nakasia' ke'nanga ri wattunna nia' ri kota Kir-Hareset. Lappassammi ke'nanga tappu' minasa siagang akkunrareng.

YESAYA 18:1

Battu ba'le ri se'reang pa'rasangang ba'leanna binanga-binanga Sudan, nia' kalangngerang sa'ra kape'-kape'na olo'-olo' anri'babaka.

YEHEZKIEL 38:5

Nirurungangi karaenga ri tantara-tantara Persia, Sudan siagang Libia, massing angngeranga pa'dang siagang topi baja.

DANIEL 11:43

Lanarampasaki barang-baranna Mesir kammayami bulaeng, pera' siagang barang-barang maraengannaya tinggi sikalia anggaranna. Lanibantui ri tu Libia siagang tu Sudan.

ZEFANYA 2:12

Kammayatompa pandudu'na Sudan lanihukkung mate tongi ri Batara.

YESAYA 20:3

Ri wattunna nitammulilimo kota Asdod ri musu, Nakanamo Batara, “Tallung taummi atangKu Yesaya assolara' siagang tammakea pa'lapa' bangkeng. Iaminne a'jari pammatei ri apa lakajarianga mae ri tu Mesir siagang tu Sudan.

YEREMIA 46:9

A'lumbako, he jarang! A'giokko, he kareta! Majuko, he tubarani angngeranga pannahang, battua ri Sudan siagang Libia. Kamma todong ikau, he sikamma tucara'deka ammake sanjata pana, battua ri pa'rasangang Lidia.’ ”

YEHEZKIEL 28:23

LappabattuA' garring, siagang laKulappassangi assolong ceraka ri sikamma oloannu. Lanibundukiko ri musu battu ri kere-keremae, siagang pandudu'nu lanibunoi. Jari nuassemmi angkanaya iNakkemi Batara.’ ”