YEHEZKIEL 30:24 - KITTA' MATANGKASA'

²⁴ Nampa laKukassakki paling-palinna karaeng Babel, siagang Kuboliki pa'dangKu ri limanna. Mingka paling-palinna karaeng Mesir laKutepoki sa'genna lakkunrareng na mate ri dallekanna karaeng Babel, musunna.

YEHEZKIEL 30:24 Referans Kwoze

ZEFANYA 2:12

Kammayatompa pandudu'na Sudan lanihukkung mate tongi ri Batara.

YEHEZKIEL 30:25

Tojeng, karaeng Mesir laKupa'jari lammai, nampa karaeng Babel laKupa'jari kassaki. Punna Kupassareang pa'dangKu ri ia, nampa napatuju limanna mange ri Mesir, lanaassemmi ke'nanga angkanaya iNakke Batara.

YESAYA 45:5

INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

YESAYA 45:1

Batara le'ba' angngangkaki Kores a'jari karaeng; ia nisuro ambetai sikamma bansa-bansaya siagang antepoki kakoasanna sikamma karaenga. Batara lassungkeangi sikamma pakke'bu' lompona kotaya, tena manna se're lammantang tattongko'. Nakana Batara ri ia,

NEHEMIA 6:9

Nacoba-cobami ke'nanga anggarattaka' sollanna napammari ikambe anjo jama-jamanga. Appala' doamma' angkana, “O, Allata'ala, pakajarreki pa'maikku!”

YEHEZKIEL 30:10

Nakana Batara Kaminang Tinggia, “LaKupakei Karaeng Nebukadnezar battu ri Babel untu' angngancuruki sikontu kakalumanynyangnganna Mesir.

YEHEZKIEL 26:15

Nakana Batara Kaminang Tinggia ri kota Tirus, “Pandudu'na daera biring tamparanga lannekkereki napakamma malla' punna nalangngerekko ammarrang lanri nibetanu siagang sa'ra akkio'na tau nibunoa.

YEREMIA 51:52

Jari, parhatikangi anne kanangKu. Lanarapiki sallang wattunna nalaKuhukkung barhala-barhalana Babel. Ri sikontu anjo pa'rasanganga lania' kalangngerang sa'ra tau akkunrareng lanri loko' sanna'.

YESAYA 10:15

Mingka Nakana Batara, “Maka akkullei napattampoang kalenna pangkuluka mae ri tau ampakei ammangkulu'? Maka la'bi paralluangangi garagajia na tau ampagaragajiai? Teai palu-palua angngangkaki taua, passangalinna tauaji angngangkaki palu-palua.”

PAMMUJI 144:1

Battu ri Daud. Pujimi Batara pa'la'langangku! Ia angngajaraka' a'bundu', siagang allatia' assiba'ji.

PAMMUJI 18:39

Kipatappasaki ke'nanga sa'genna takkullea ambangung poleang, anra'ba tenamo pakkullena ke'nanga ri dallekang bangkengku.

PAMMUJI 18:32

Saba' Batarayaji bawang Allata'ala; Allata'alaji bawang akkulle ampattojengki'.

PAMMUJI 17:13

Ammenteng maKi', o, Batara ewai musungku siagang naKibeta ke'nanga. Kipasalamakka' siagang pa'danTa battu ri pa'bakkana tau ja'dalaka.

AYUB 24:12

Ri kota-kotaya kalangngerang sa'ra kunrarenna tau lamate duduamo, tau lokoka akkio' appala' niballei, mingka taNapilangngeriai pappala' doanna ke'nanga; taerokai anjampangi.

YEHEZKIEL 29:19

Lanri kammana anjo, iNakke Batara Kaminang Tinggia Kukana: Butta Mesir laKupassareangi mae ri Karaeng Nebukadnezar. Lanaellaki siagang lanarampasaki kammayatompa lanaengkaki sikontu anjo kakalumanynyangnganna Mesir salaku sawala'na tantarana.

YEHEZKIEL 30:11

Nebukadnezar siagang tantarana tenaya nangngasseng appamopporang labattui nampa naancuru' anjo buttaya. Lanabunduki ke'nanga Mesir siagang pa'dang, siagang latassiaraki mayaka ri anjo pa'rasanganga.

YEHEZKIEL 30:21

“He tau, le'ba'mi Kutepo' paling-palinna karaeng Mesir, siagang tena ansikkokangi anjo paling-palinna yareka angngurukangi sollanna baji' ammotere' siagang gassing ammotere' anna'gala' pa'dang.