YEHEZKIEL 30:22 - KITTA' MATANGKASA'

²² INakke, Batara Kaminang Tinggia angkana: INakke anne musunna karaeng Mesir, siagang laKutepo' rua-ruai paling-palinna, baji' anjo bajika ija kammayatompa anjo tepokamo. Jari latu'guru'mi anjo pa'danga battu ri limanna.

YEHEZKIEL 30:22 Referans Kwoze

PAMMUJI 37:17

Saba' lanitepoki koasana tu ja'dalaka ri Batara, mingka tu bajika laNajagai.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

YEREMIA 37:7

akkana kamma anne mae ri tunasuroa Zedekia: “Pauangi Zedekia kamma anne, ‘Niaki tantara Mesir a'jappa mae anrinni untu' ambantuko, mingka la'gilingi nampa ammotere'.

YEHEZKIEL 34:16

Ia tappelaka laKuboyai, ia lingua laKuerangi ammotere', ia lokoka laKurokoki loko'na, ia garringa Kuballei; mingka co'moka siagang gassinga laKupanraki, lanri iNakke pakalawaki anggaukangi apa bajika.

ZAKHARIA 11:17

Nitunraimi anjo pakalawaki tenaya matu-matunna! Nabokoimi pa'rappunganna gimbala'na. Lanipa'le'baki kakoasanna ri pa'bundukanga. La'jari lammai paling-palinna siagang la'jari butai mata kananna.”