YEHEZKIEL 30:21 - KITTA' MATANGKASA'

²¹ “He tau, le'ba'mi Kutepo' paling-palinna karaeng Mesir, siagang tena ansikkokangi anjo paling-palinna yareka angngurukangi sollanna baji' ammotere' siagang gassing ammotere' anna'gala' pa'dang.

YEHEZKIEL 30:21 Referans Kwoze

YEREMIA 46:11

He pandudu'na Mesir, a'lampako mange ri Gilead a'boya pa'balle! Mingka manna nakamma, tena nulanggappa pa'balle akkullea ampamolleko.

YEREMIA 30:13

Tena manna sitau ero' angngusahai sollannu ammolle battu ri garrinnu, tena pa'balle untu' lattannu, tena panrannuannu la'jari baji'.

YEREMIA 48:25

Nitepo'mi kagassinganna Moab, niancuru'mi kakoasanna. INakke, Batara, anne akkana.”

PAMMUJI 37:17

Saba' lanitepoki koasana tu ja'dalaka ri Batara, mingka tu bajika laNajagai.

YEHEZKIEL 30:24

Nampa laKukassakki paling-palinna karaeng Babel, siagang Kuboliki pa'dangKu ri limanna. Mingka paling-palinna karaeng Mesir laKutepoki sa'genna lakkunrareng na mate ri dallekanna karaeng Babel, musunna.

PAMMUJI 10:15

Kitepoki kakoasanna tu ja'dalaka siagang tu dorakaya; hukkungi ke'nanga lanri panggaukanna sa'genna jarra ke'nanga.

PAPPICINI' 18:21

Le'baki anjo, nia'mo malaeka' sannaka kassa'na angngangka' se're batu lompo, sangkamma batu pa'giling sannaka lompona, nampa napasambila antama' ri tamparanga, siagang nakana, “Kammaminne batena anjo kota Babel masahoroka lanipasambila sarring, sa'genna tenamo nalanibuntulu' ammotere'.

NAHUM 3:16

Sikamma padanggannu la'biangngammi jaina na bintoenga ri langika! Mingka kamma-kamma anne lanynya'mi ke'nanga, rapang katimbang ampaka'rangi ka'nyi'na nampa lanynya' anri'ba'.

YESAYA 1:6

Battu ri cappa' ulunnu sa'genna pala' bangkennu tenamo baji'-baji' ri kalennu. Akkambang-kambang ngaseng kalennu, rassi bate cambo' siagang bokka'-bokka'. Anjo bokka'-bokka'nu tenapa nale'ba' nitangkasi siagang niroko', tena tompa naniballei siagang minynya'.

YEREMIA 44:30

Hofra, karaeng Mesir laKupassareangi mae ri musu-musunna eroka ambunoi, sangkamma batena Kupassareang Zedekia karaeng Yehuda mae ri Nebukadnezar karaeng Babel, musunna eroka ambunoi.”

YEHEZKIEL 39:3

Anjoreng laKutunrungi anrong panana sa'genna ta'lappasa' battu ri lima kairinna, nampa Kutu'gurang ana'-ana' panana battu ri lima kananna.

ZAKHARIA 11:17

Nitunraimi anjo pakalawaki tenaya matu-matunna! Nabokoimi pa'rappunganna gimbala'na. Lanipa'le'baki kakoasanna ri pa'bundukanga. La'jari lammai paling-palinna siagang la'jari butai mata kananna.”

PAMMUJI 89:43

Kisarei pammetang musu-musunna, Kipa'jari rannu ngasengi sikontu balinna.