YEHEZKIEL 30:19 - KITTA' MATANGKASA'

¹⁹ Kammami anjo batena laKuhukkung Mesir, nampa naassemmo ke'nanga angkanaya iNakke Batara.”

YEHEZKIEL 30:19 Referans Kwoze

PAPPICINI' 17:1

Le'baki anjo battumi mae ri nakke kalase'renna anjo tujua malaeka' anna'galaka pammoneang na nakana, “Maeko, lakupicinikiangko antekamma batena lanihukkung anjo pasundala' lompoa, iamintu anjo kota lompoa, nibangunga ri ampi'na binanga-binangaya.

YEHEZKIEL 30:14

Sikontu Mesir bageang timboro' laKupa'jari sino sikali siagang kota Soan ri bageang wara' laKutunui. Tebe, anjo ibukotaya laKuhukkungi,

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

YEHEZKIEL 25:11

LaKuhukkungi Moab, nampa naassemmo angkanaya iNakkemi Batara.”

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

YEHEZKIEL 5:8

Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

PAMMILANGNGANG 33:4

sitabanga antarawangi ana'-ana' bungasa'na ke'nanga, ia le'baka nibuno ri Batara. Lanri iaminjo gau'na, na Napa'buttimo Batara angkanaya Ia la'bi kassa' kala rewata-rewatana tu Mesir.

YEHEZKIEL 39:21

Nakana Batara, “LaKuparhatikangi kala'birangKu mae ri bansa-bansaya. Lanacini' ngasengi ke'nanga antekamma bateKu ampakei kakoasangKu untu' ampa'rupai kaputusang-kaputusangKu adeleka.

PAMMUJI 149:7

untu' ambalasaki bansa-bansaya, siagang anghukkungi suku-suku bansaya;

YEHEZKIEL 28:22

Pabattui mae ri pandudu'na angkana iNakke, Batara Kaminang Tinggia, angkana ri ke'nanga, ‘INakke anne musunnu Sidon. LanapaleceA' taua lanri tindakangKu mae ri kau. Ri wattunna Kuhukkung pandudu'nu, naassemmi pandudu'nu angkanaya iNakkemi Batara matangkasaka.

YEHEZKIEL 32:15

Punna Kupa'jari Mesir parang lompo sino, kammayatompa Kupanraki sikontu apa ammantanga anjoreng, lanaassemmi ke'nanga angkanaya iNakkemi Batara.