YEHEZKIEL 30:14 - KITTA' MATANGKASA'

¹⁴ Sikontu Mesir bageang timboro' laKupa'jari sino sikali siagang kota Soan ri bageang wara' laKutunui. Tebe, anjo ibukotaya laKuhukkungi,

YEHEZKIEL 30:14 Referans Kwoze

YEHEZKIEL 29:14

LaKupakabajiki ammotere' pattallassannu siagang Kusuroko ammantang ri Mesir bageang timboro', iamintu pa'rasangang kabattuannu. Anjorengko lappaenteng kakaraengang lamma,

YEREMIA 46:25

Batara Kaminang Koasaya, iamintu Allata'alana Israel, Nakana, “LaKuhukkungi Amon, rewata battua ri Tebe, siagang sikontu Mesir kammayatompa rewata-rewatana siagang sikamma karaenna. Karaeng Mesir siagang sikontu tau ampattoangai

PAMMUJI 78:43

ri wattunna appa'nia' gau'-gau' appakalannasa' ri Mesir, siagang gau'-gau' malompo ri parang Zoan.

PAMMUJI 78:12

Ri dallekanna boe-boena ke'nanga, a'gau' appakalannasaki Allata'ala ri pa'rasangang Mesir, ri lappara' Zoan.

NAHUM 3:8

He Niniwe, maka bajikangngangko na Tebe, ibukotana Mesir? Pammantanganna Tebe anjoreng tonji ri biring binanga a'jaria salaku tembo' pannahanna. Binanga Nil, iaminjo benteng pattahanganna.

YESAYA 19:11

Teai sipato' dongo'na sikamma pamimpinna kota Zoan! Tu Mesir kaminang cara'deka assare pappakainga' tolo! Baranina ke'nanga angkana mae ri karaenga angkana turungannai ke'nanga tu cara'de' siagang karaeng-karaeng turiolo dudua!

PAMMILANGNGANG 13:22

Uru-uruna a'lampai ke'nanga ri bageang timboranna anjo pa'rasanganga nampa battu mange ri kota Hebron, tampa' napammantangia tu Ahiman, Sesai siagang Talmai, jari-jarina Enak. Anjo kota Hebron tuju taungi le'ba'na nibangung nampa nibangung kota Zoan ri Mesir.

YESAYA 30:4

Manna pole nabattumo sikamma tunisurona Yehuda mange ri kota-kota Zoan siagang Hanes ri Mesir,

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 19:13

Sangnging tau dongo' ngaseng sikamma pamimpinna Zoan siagang Memfis. Teai ke'nanga pamimping, mingka ba'lalo napalampa salaji bansana.

YEREMIA 44:1

A'bicarai Batara ri nakke ri passala'na sikontu tu Israel niaka ammantang ri Mesir, iamintu ri kota Migdol, Tahpanhes, Memfis, siagang ri daera timborang.

YEREMIA 44:15

Nampa battumo tau jai sikalia mae ri nakke, iamintu tu bura'ne naassenga angkanaya tubai'-bainena assarei koro'bang mae ri rewataya, siagang sikontu tubaine niaka ammenteng anjoreng, kammayatompa tu Israel ammantanga ri Patros, bageang timboro'na Mesir. Nakana ke'nanga ri nakke,

YEHEZKIEL 29:19

Lanri kammana anjo, iNakke Batara Kaminang Tinggia Kukana: Butta Mesir laKupassareangi mae ri Karaeng Nebukadnezar. Lanaellaki siagang lanarampasaki kammayatompa lanaengkaki sikontu anjo kakalumanynyangnganna Mesir salaku sawala'na tantarana.

YEHEZKIEL 30:8

Punna Kutunu Mesir siagang Kubuno kabusu' naaganga sita'gala', naassemmi ke'nanga angkanaya iNakkemi Batara.

YEHEZKIEL 30:15

siagang laKuancuruki kakalumanynyangnganna. LaKupa'betteseki larroKu mae ri Pelusium, kota a'jaria pattahanganna Mesir,

YEHEZKIEL 30:16

siagang anjo kotaya lasanna' sessana. Tojeng, laKutunui Mesir. Tembo'-tembo'na kota Tebe laruntungi, siagang anjo kotaya lanitujui ri a'ba.

YEHEZKIEL 30:19

Kammami anjo batena laKuhukkung Mesir, nampa naassemmo ke'nanga angkanaya iNakke Batara.”