YEHEZKIEL 3:26 - KITTA' MATANGKASA'

²⁶ LaKupa'jari ka'doroki lilanu sa'genna takkulleako ampakaingaki anne bansa nangaia angngewa.

YEHEZKIEL 3:26 Referans Kwoze

YEHEZKIEL 24:27

Ri ia todong anjo alloa lakkulleko a'bicara ammotere' siagang tenamo nupepe. Nampa la'bicara mako siagang anjo taua. Kammami anjo naikau la'jari pammatei mae ri ke'nanga; nampa naassemmo ke'nanga angkanaya iNakkemi Batara.”

PAMMUJI 137:6

Boli'ma' kamma takkulleamo akkelong punna lakukaluppaiko siagang tena nakupa'jariko karannuangku!

PAMMUJI 51:15

Nalakupangngajarrang parentaTa mae ri tau dorakaya, sollanna ammotere' ke'nanga mae ri Katte.

AMOS 5:10

Nukabirisi tau angngewayai tenaya naadele' siagang a'bicara kontutojenga ri pangadelanga.

HOSEA 4:17

Umma' Israel niallemi pa'mai'na ri barhalaya. Lanri kammana anjo lappassammi ke'nanga kamma.

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

YEREMIA 1:17

Sadia-sadia mako Yeremia! A'lampamako siagang pabattui mae ri ke'nanga, sikontu apa Kuparentakanga mae ri kau. Teako mallakki mae ri ke'nanga, sollanna tena naKupa'jari pila' mallakko punna assidallekangko siagang ke'nanga.

YESAYA 1:2

Pilangngeri he langika, parhatikangi he buttaya! Nakana Batara, “Ana'-ana' le'baka Kuparakai angngewai ri Nakke.

YEHEZKIEL 33:22

Ri bangngi tenana nabattu, kupisa'ringimi kakoasanNa Batara. Jari ri wattunna battu anjo taua mae ri nakke, akkullema' a'bicara siagang tenamo nakupepe.

DANIEL 10:15

Ri wattunna napau anjo kammaya, a'dunduma' siagang takkullea' akkana.

HOSEA 4:4

Nakana Batara, “He sikamma imanga, teako nia' ansalakangi yareka angkalarroi ummakKu, nasaba' ikau ngaseng Kusalakang!

YEHEZKIEL 12:2

“He tau, ikau niakko ammantang ri tangnga-tangngana tau nangaia angngewa. Nia' matanna ke'nanga, mingka tena naccini'; nia' tolinna mingka tena nallangngere', lanri nangaina ke'nanga angngewa.

YEHEZKIEL 12:3

Lanri kammana anjo, he tau, genteng singara'na ija alloa, parutusu'mi barang-barannu nupantama' ri se'reang pa'roko' sangkamma biasaya nagaukang tau nipelaka. Lalang tenanapa nabattu bangngia, bokoimi a'nassa-nassa balla'nu sangkamma tau nieranga mange ri butta pammelakkang. Apparekko so'bolo' ri rinring balla'nu ri dallekanna sikamma anjo tau nangaia angngewa, siagang erangi anjo pa'roko' barang-barannu assulu' battu ri anjo so'boloka. Pisangi anjo pa'roko'nu ri salanggannu. A'lampa mako ri wattu sassanna bangngia; tongkoki matannu sa'genna tena nuciniki agang nuoloa. Lappassammi nacini' sikontu bansa Israel sikontu anjo nugaukanga, sollanna a'jari pappakainga' mae ri ke'nanga. Gassingka langngu'rangi ke'nanga angkanaya anjo kalenna ke'nanga tau nangai angngewaya.”