YEHEZKIEL 3:23 - KITTA' MATANGKASA'

²³ Jari a'lampama' mange ri lappara'na ka'bunga, nampa anjoreng kuciniki singara' accayaya, ampa'nassayai kahaderanNa Batara sangkamma le'baka kucini' ri birinna Binanga Kebar. Nampa tu'guru' tattinompamma' naung ri buttaya,

YEHEZKIEL 3:23 Referans Kwoze

YEHEZKIEL 1:28

a'rupa-rupa cura'na sangkamma tarawe. Iaminjo singara' accaya, ampa'nyatayai kahaderanNa Batara. Kucini'na anjo sikammaya, tu'guru'ma' attinompang, a'dalle' naung ri buttaya. Nampa nia'mo sa'ra kulangngere' angkana,

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.

LAMPA-LAMPANA 7:55

Mingka anjo Stefanus nikoasaimi ri RohNa Allata'ala, naccongamo nai' ri langika. Nacini'mi kala'biranNa Allata'ala, siagang nia'mi nacini' Isa ammenteng ri tampa' kakoasanNa, iamintu ri sa'ri kananNa Allata'ala.

PAPPICINI' 5:14

Appialimi anjo appaka anu attallasa', angkana, “Aming!” Nasu'ju'mo anynyomba anjo pamimping-pamimpinga.

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.

PAPPICINI' 4:10

su'ju'mi anjo pamimping ruampuloa angngappa', mae ri anjo ammempoa ri empoang kala'birang, nampa anynyomba mae ri Ia anjo mattallasaka sa'genna satunggu-tungguna. Nampa napasambila ke'nanga massing songko'na mae ri dallekanna anjo empoang kala'biranga, nangkana,

DANIEL 8:17

Jari Gabriel, anjo ammentenga ri dallekangku a'reppese'mi mae ri nakke. Sanna'mi malla'na kusa'ring, sa'gengku anra'ba. Nakanamo Gabriel ri nakke, “He tau, musti nuassengi battuanna anjo apa nucinika, angkanaya anjo passala'na kala'busang jammanga.”

YEHEZKIEL 10:18

Nampa caya accillaka, iamintu pammatei kahaderanNa Batara, nabokoi pakke'bu' antamaka ri Balla'Na Batara siagang a'letteki nai' ri anjo malaeka'-malaeka' akka'nyika.

YEHEZKIEL 9:3

Nampa caya accilla' pammatei kahaderanNa Allata'alana Israel tassioroki battu ri patunna malaeka'-malaeka' akka'nyika, nampa a'lette' battu ri tampa'na rioloa mange ri pakke'bu' antamaya ri Balla'Na Batara. Na Nakio'mo Batara anjo tau ammakeang lenanga, Nakana,

PAMMILANGNGANG 16:42

Lalang asse'rena ke'nanga angngewai Musa siagang Harun, assailemi ke'nanga mae ri KemaNa Batara; na nacini'mo ke'nanga rammanga anrangkaki anjo Kemaya, nampa kacinikammi caya kahaderanNa Batara.

PAMMILANGNGANG 16:19

Nampa napasse're Korah sikontu ummaka; nampa ammenteng ke'nanga assidallekang siagang Musa na Harun ri pakke'bu' KemaNa Batara. Ti'ring nia'mo nacini' sikontu umma' caya sioro'Na Batara.

YEHEZKIEL 8:4

Nampa nia' kucini' singara' accilla' pammatei kahaderanNa Allata'alana Israel, sangkamma kucinika ri wattungku nia' ri birinna Binanga Kebar.

YEHEZKIEL 43:2

siagang anjoremmi nia' kucini' caya accilla' battu raya, iamintu tanra kahaderanNa Allata'alana Israel. Kalangngerammi sa'ranNa Allata'ala sangkamma gamarrunna bombanga ri tamparang, siagang accilla'-cillaki buttaya lanri singara' kahaderanNa Allata'ala.

YEHEZKIEL 43:3

Anjo paccinikku sangkammai kucini' ri wattunna battu Allata'ala untu' angngancuruki Yerusalem, siagang sangkammai kucinika ri Binanga Kebar. Nampa kupara'ba kalengku assu'ju'.

YEHEZKIEL 44:4

Nampa anjo tu bura'nea naeranga' mange ri pakke'bu' lompo bageang wara', assidallekanga siagang Balla'Na Batara. Kuparhatikangi, siagang kucini'mi anjo Balla'Na Batara nitongko' ri caya accilla' tanra kahaderanNa Batara. Nampa anra'bama' naung nakusu'ju',

YOSUA 5:14

Appialimi anjo taua angkana, “Teai agang, siagang teai todong bali. Inakke battua' mae anrinni salaku panglimana tantaraNa Batara.” Nalangngere'na Yosua pappialinna anjo taua, su'ju'mi anynyomba ri anjo taua. Angkanami Yosua, “Inakke anne atanta' karaeng. Apa akkulle kugaukang untu' ikatte?”