YEHEZKIEL 3:20 - KITTA' MATANGKASA'

²⁰ Punna nia' se're tau baji' appakkaramula a'gau' dosa, nampa Kupasidallekangi siagang bahaya, lamatei punna tena nupakaingaki. Lamatei lanri dosa-dosana, siagang sikamma panggaukang baji'na tena nalaKuu'rangi. Mingka tanggong jawa'na ri anjo kamateanna laKutuntuki battu ri kau.

YEHEZKIEL 3:20 Referans Kwoze

YEHEZKIEL 18:24

Mingka punna nia' tau baji' natenamo nagaukangi bajika, ba'lalo appakkaramulami nagaukang kaja'dallanga siagang sikontu panggaukang appakaringi' biasaya nigaukang ri tau ja'dalaka, maka lakkullei tuli attallasa'? Tena! Battu ri sikamma anjo panggaukang-panggaukang baji'na, tena manna se're laniu'rangi poleang. Lamatei lanri nagaukanna dosaya siagang lanri tenana namajarre' mae ri Nakke.

YEHEZKIEL 3:18

Punna Kupauangko angkana nia' se're tau ja'dala' lamate, mingka tena nupakaingaki sollanna napinra panggaukanna sollanna salama', lamatei salaku tau doraka, nampa tanggong jawa'na anjo kamateanna lanituntuki battu ri kau.

IBRANI 10:38

Na ia ummakKu annabaya latappa'mi siagang lattallasa'mi; mingka punna nia' ri ke'nanga lammono'boko, tasannangai pa'maikKu mae ri ia.”

YEHEZKIEL 18:26

Punna nia' tau baji' natanagaukangamo pole panggaukang bajika, ba'lalo appakkaramulami a'gau' ja'dala', ia lamatei, lanri anjo panggaukang ja'dala' le'baka nagaukang.

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

1 YOHANES 2:19

Ia musu-musunNa Almasi, iamintu sikamma tau a'lampayamo ambokoiki', nasaba' anjo ke'nanga teai memangi taunta. Punna taunta anjo ke'nanga, tantu tuli ammantangi assiagang ikatte. Mingka assulu'mi ke'nanga battu ri katte, sollanna a'jari singara'mo angkanaya tena manna sitau battu ri ke'nanga antama' tojeng-tojenga ri golonganta.

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.

YEHEZKIEL 33:18

Sikalipi pole Kupau, angkanaya punna nia' tau baji' appakkaramula anggaukangi ja'dalaka, lamatei lanri anjo kaja'dallanna.

YEREMIA 6:21

LaKupatatto'roi ke'nanga sollanna tu'guru'. Mangge siagang ana', agang siagang siampi' balla', yangasenna lapanra' ngasengi.”

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

YEHEZKIEL 33:6

Mingka punna accini' nia' battu musu anjo pajagaya nampa tena nappasa'ra tanra bahaya, nampa battu musua ambunoi anjo tau dorakaya, tanggong jawa'na kamateanna anjo taua laKutuntuki battu ri ia.

YEHEZKIEL 14:3

“He tau, sikamma anne taua napappirannuammi kalenna mae ri barhalaya sa'genna ta'loposo'mo ke'nanga antama ri dosaya. Masakang erokKa' nikuta'nang ri ke'nanga?

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

YESAYA 8:14

Lanri sanna'na tangkasakKu, iNakke la'jari batu natatto'roi ra'ya' Yehuda siagang Israel, siagang sikko' angngalleai pandudu'na Yerusalem.

IBRANI 13:17

Turuki parentana pamimping-pamimpinnu, siagang tundukko mae ri ke'nanga. Nasaba' tuli naparhatikangi ke'nanga nyawanu, namusti attanggong jawaki ke'nanga mae ri Allata'ala. Punna nuturuki ke'nanga, akkullei ke'nanga anjama siagang sannang pa'mai'na; punna tena, akkullei a'jari si'na pa'mai'na ke'nanga anjama, napunna kamma latena matu-matunna mae ri kau.

1 KORINTUS 1:23

Mingka ikatte anne iaji bawang nibirittakang iamintu biritta ri passala'na Isa Almasi le'baka mate ri kayu sallika. Anjo birittaya napakanassui pa'mai'na tu Yahudia, siagang nicini' a'balle-ballei ri bansa-bansa maraenga. Na bansa maraenga nakanai kadongokang anjo kammaya.

ROMA 11:9

Nakana todong Daud, “Balang pare'na a'jari sikko' mae ri kalenna passua'-suarrang kalenna ke'nanga, siagang a'jari kalo'bang napatu'guria ke'nanga, napanra'.

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

DANIEL 9:18

Kipilangngeri laloi ikambe, o Allata'ala, Kiciniki siagang Kiparhatikangi kasessanna ikambe kammayatompa kapanrakanna kota nigallaraka situru' arenTa. Appala' doangi ikambe mae ri Katte teai lanri jasa-jasana ikambe, passangalinna lanri lompo pangngamaseanTa.

YEHEZKIEL 7:19

Bulaenga siagang peraka lanapelaki ke'nanga ri aganga rapang loro, nasaba' ri allo napa'bettese'na kalarroanNa Batara, anjo bulaenga siagang peraka takkulleai ampasalamaki ke'nanga, ba'lalo ia ngasemmi anjo angngerangi ke'nanga mae ri dosaya. Takkulleai napake ke'nanga untu' ampassukkuki cinnana yareka ambonei battanna ke'nanga.

PANGNGEBARANG 25:12

Pappasailena tau cara'deka mae ri tau eroka mappilangngeri, sanrapangi cincing bulaeng yareka belo-belo bulaeng.

PAMMUJI 119:165

Tau mangngaia ri hukkunTa amangi na sannang, tena akkulle anrompai ke'nanga.

PAMMUJI 36:3

Nakanai kalenna sanna' heba'na, sa'genna tanaassenga kasalanna, siagang tena nakabirisi.

2 PATTOTTORANG 25:15

Anjo sikamma panggaukanna Napakalarroi Batara. Assuroi sitau na'bi mange ri Amazia. Nakana anjo na'bia, “Angngapa kinynyomba mae ri rewatana bansa maraenga tenaya nakkulle ampasalamaki bansa kalenna battu ri kakoasanta?”

2 PATTOTTORANG 24:2

Lalang attallasa'na ija Imang Yoyada, nagaukangi Yoas apa Nangaia Batara.

PAOLE 13:3

tea' laloko erokki amparhatikangi. Napakei Karaeng Allata'alanu anjo taua untu' anso'riko, lanri ero'Na Nacini' angkanaya apaka ma'nassa mangngamaseang tojengko mae ri Batara yareka tena.

KAIMANGNGANG 19:17

Teako pammoli'-molikangngi parannu tau, manna pole inai. Pakabajiki punna nia' passisala-salannu manna pole inai nuagang sisala-sala, sollanna tena nudoraka passabakkang tau maraeng.

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

MATIUS 18:15

“Punna sala sari'battannu ri kau, battuko mae ri ia nanupauang kasalanna. Ikau tommo sipa'rua punna nupauangi. Na punna napilangngeriji kanannu, nugappamintu ammotere' anjo sari'battannu.

YEREMIA 34:16

Sikamma pagawe pamarentahanna Yehuda siagang Yerusalem kammayatompa sikamma pagawe balla' karaenga, imang-imanga siagang sikontu pajaga tampa'nu le'ba'mi nuassai anjo parjanjianga lanri ammolong sapi, iamintu nupolong ruai, nampa a'jappako ri alla'na anjo ruang bageang polonganga. Mingka, ribokoanganna amminrai pikkirannu siagang nupakatunA'. Anjo sikamma ata le'baka nulappassang situru' nakaerokia ke'nanga, nuallei ammotere' siagang nupassai ammotere' a'jari atannu. Lanri kammana anjo, iNakke, Batara, Kukana angkanaya nudakkaimi parentaKu, siagang tena nuturuki sara'-sara'na, lanri tenana nanupakabesaki julu bansanu Israel. Jari, kamma-kamma anne, baji'mi naiNakke assareko kabebasang: kabebasang untu' mate lalang pa'bundukang yareka lanri garring, yareka lanri kacipurang. LaKugaukangi mae ri kau sangkamma nugaukanga mae ri sapi nupolonga anjo. LaKupa'jari sannaki malla'na sikontu bansaya ri lino anciniki apa Kugaukanga mae ri kau.