YEHEZKIEL 3:15 - KITTA' MATANGKASA'

¹⁵ Nakubattumo mange ri tampa'na sikamma tunipelaka ri Tel-Abib ri birinna Binanga Kebar. Tuju alloa' salloku ammantang anjoreng; kalanna'-lannassanga' lanri sikontu anjo apa kulangngereka siagang kucinika.

YEHEZKIEL 3:15 Referans Kwoze

PAMMUJI 137:1

Ri birinna binanga-binanga Babel ammempo angngarru' ikambe punna niu'rangi Sion.

AYUB 2:13

Tuju allo tuju bangngi ke'nanga ammempo ri buttaya ri sa'rinna Ayub, tamakkana-kanaya, lanri antekamma battala'na pa'risi'na Ayub.

YEHEZKIEL 1:1

Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.

PA'JARIANG 50:10

Ri wattunna anrapi' ke'nanga ri tampa'na tau appatunrunga gandung, iamintu ri Goren-Haatad, irayanganna Binanga Yordan, appiraung lompomi ke'nanga napakamma si'na. Appare'mi Yusuf acara kasusaang tuju allo sallona.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

YEHEZKIEL 10:15

Iaminjo malaeka'-malaeka' akka'nyi' kucinika riolo ri birinna Binanga Kebar. Punna a'gio' yareka napaka'rang ka'nyi'na anjo malaeka'-malaeka' akka'nyika, nai' ri allaka siagang anri'ba' mae ri dallekang yareka ammantang, tuli amminawangi anjo roda-rodaya, lanri nikoasai ri anjo malaeka'-malaeka' akka'nyika.

YEREMIA 23:9

Iaminne pasangku ri sesena na'bi-na'bia: Ancuruki atingku siagang annekkerekka'. Batara siagang kana matangkasa'Na ampa'jaria' rapang tau nasa'ring lanri jai duduna anggoro' kuinung.

YEHEZKIEL 3:23

Jari a'lampama' mange ri lappara'na ka'bunga, nampa anjoreng kuciniki singara' accayaya, ampa'nassayai kahaderanNa Batara sangkamma le'baka kucini' ri birinna Binanga Kebar. Nampa tu'guru' tattinompamma' naung ri buttaya,

YEHEZKIEL 43:3

Anjo paccinikku sangkammai kucini' ri wattunna battu Allata'ala untu' angngancuruki Yerusalem, siagang sangkammai kucinika ri Binanga Kebar. Nampa kupara'ba kalengku assu'ju'.