YEHEZKIEL 29:8 - KITTA' MATANGKASA'

⁸ Lanri kammana anjo, iNakke, Batara Kaminang Tinggia, Kukana ri kau angkanaya lappabattuA' tantara untu' ambundukiko siagang pa'dang, kammayatompa nabunoi pandudu'nu siagang olo'-olo'nu.

YEHEZKIEL 29:8 Referans Kwoze

YEHEZKIEL 14:17

Nakulle kapang appabattuA' pa'bundukang ri anjo pa'rasanganga, nakukiring sanjata-sanjata porea untu' ampanraki baji' rupataua kammayatompa olo'-oloka.

YEHEZKIEL 30:10

Nakana Batara Kaminang Tinggia, “LaKupakei Karaeng Nebukadnezar battu ri Babel untu' angngancuruki sikontu kakalumanynyangnganna Mesir.

YEHEZKIEL 30:4

Bala lompo lantujui Sudan. Ri Mesir lania' pa'bundukang. Jai tau lamate; niellaki sikontu pa'rasanganga siagang lanipa'jari rumbangngang.

YEHEZKIEL 25:13

Lanri kammana anjo Kupa'la'bangi Kupau angkanaya laKuhukkungi Edom siagang Kubunoi sikamma taua kammayatompa sikamma olo'-olo' niaka anjoreng. Sikontu anjo pa'rasanganga, appakkaramula battu ri Téman sa'genna mange ri kota Dedan, Kupa'jari sino kabusuki; ra'ya'na lamatei lalang pa'bundukang.

YEREMIA 32:43

Nakana taua anne pa'rasanganga a'jarimi sangkamma parang luara' tenaya nipammantangngi ri tau siagang olo'-olo', siagang anne pa'rasanganga tu'guru'mi antama ri limanna tu Babel. Mingka iNakke Kukana, sallang sikamma koko-kokoa lanipareki pole balu'-balukang ri anne pa'rasanganga;

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

PA'JARIANG 6:7

sa'genna Nakana, “LaKuancuruki anjo rupatau le'baka Kupa'jari, kammayatompa sikamma jangang-jangang siagang olo'-olo' maraengannaya, lanri assesse' lalangKu ampa'jari ke'nanga.”