YEHEZKIEL 29:5 - KITTA' MATANGKASA'

⁵ Nampa ikau siagang sikontu anjo jukuka Kupasambilako mange ri parang kassika. Latattappasaki kalennu naung ri buttaya siagang ammonrang mako anjoreng. Tena manna sitau lantarawangko. Tubunu laKupassareangi mae ri jangang-janganga siagang olo'-olo' maraenga untu' nakanre.

YEHEZKIEL 29:5 Referans Kwoze

YEREMIA 34:20

LaKupassareangko mae ri musu eroka ambunoko. Maya'nu lanikanrei ri jangang-jangang yareka olo'-olo' sekkeka.

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

YEREMIA 7:33

Sikamma maya'na ke'nanga la'jari kanre-kanreangi mae ri jangang-janganga siagang olo'-olo' sekkeka, nampa tena tau ambongkai.

YEREMIA 25:33

Ri anjo alloa maya' tunibunoa ri Batara latassiaraki ri sikontu tompo'na buttaya. Tena nalanikarruki ke'nanga, tena todong nalaniangka' untu' nitarawang, passangalinna lanibalang parekangi bawang ri buttaya sangkamma pa'gompoang loro.

YEHEZKIEL 31:18

Anjo poko' kayua a'jari pangngebarangi mae ri karaeng Mesir siagang bansana. Tena poko' kayu ri Eden kammaya anjo tinggina siagang la'biri'na. Mingka kamma-kamma anne, sangkamma todong poko'-poko' kayu ri Eden anjo poko' kayua lanaung tongi ri linona tau matea nampa asse're siagang ke'nanga tenaya natappa' ri Allata'ala, siagang sikamma tau matea lalang pa'bundukang. INakke, Batara Kaminang Tinggia, anne akkana.”

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

PAMMUJI 74:14

Kilicaki sikamma ulunna Lewiatan Kipa'jari kanrenai sikamma apa-apa niaka ri parang lompoa.

1 SAMUEL 17:44

Nampa pole napa'ngara Daud nakana, “Maju mako, nampa kupassareang kalennu mae ri jangang-janganga siagang olo'-oloka sollanna nakanreko.”

PAPPICINI' 6:8

Kucinikimi, nampa nia' kucini' sikayu jarang pi'lasaka tanja'na. Pabaena niarengi Kamateang. Ri bokona a'reppese'mi amminawang Lino Kamateanga. Kakoasanga mae ri bage appa'na anne linoa nipassareangi mae ri ke'nanga, sollanna akkulle ke'nanga ammuno lalang ri pa'bundukanga, lalang ri kacipuranga, lalang ri kagarringanga, kammayatompa battu ri olo'-olo' sekkeka.

YEHEZKIEL 31:13

Jangang-janganga labattui na'dangka' ri anjo poko' anra'bayamo, siagang olo'-olo' liaraka lanaonjo'-onjokangi tangke-tangkenna.