YEHEZKIEL 29:21 - KITTA' MATANGKASA'

²¹ Punna kajariang anjo passalaka, laKupa'jari Israel bansa kassa', siagang akkulle mako ikau Yehezkiel, laluasa a'bicara, sa'genna sikontu taua akkulle mako napilangngeri. Jari naassemmi ke'nanga angkanaya iNakkemi Batara.”

YEHEZKIEL 29:21 Referans Kwoze

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

PAMMUJI 132:17

Anrinni sitau turunganna Daud Kupa'jari karaeng; laKupakajarreki pamarentahanna.

YEHEZKIEL 33:22

Ri bangngi tenana nabattu, kupisa'ringimi kakoasanNa Batara. Jari ri wattunna battu anjo taua mae ri nakke, akkullema' a'bicara siagang tenamo nakupepe.

YEHEZKIEL 24:27

Ri ia todong anjo alloa lakkulleko a'bicara ammotere' siagang tenamo nupepe. Nampa la'bicara mako siagang anjo taua. Kammami anjo naikau la'jari pammatei mae ri ke'nanga; nampa naassemmo ke'nanga angkanaya iNakkemi Batara.”

PAMMUJI 92:10

Naassengi ikambe angkana lanipaccappuki musunTa, o, Batara, lanipasimbungi sikontu tau ja'dalaka.

LUKAS 1:69

Nasaremaki' tu Mappasalama' makoasaya, ikatte atanNa, sossoranna Daud.

YEHEZKIEL 29:16

Israel tenamo nalappala' bantuang mae ri kau. Anjo sarennu, he Mesir, lampakaingaki bansa Israel antekamma salana ke'nanga ampattoangi Mesir, sangkamma le'baka nagaukang ke'nanga. Jari naassemmi bansa Israel angkanaya iNakke Batara Kaminang Tinggia.”

YEHEZKIEL 29:9

Mesir la'jari butta sino. Jari nuassemmi angkanaya iNakke Batara.” Nakana Batara, “He karaeng Mesir! Lanri nukanana angkanaya anjo Binanga Nil ikau pata, siagang angkanaya ikau ampareki,

YEHEZKIEL 29:6

Jari naassemmi sikontu ra'ya' Mesir angkanaya iNakkemi Batara.” Nakana Batara, “He bansa Mesir! Narannuangi tu Israel bantuannu, mingka sanrapang jako bawang takkang lammaya.

YEHEZKIEL 3:26

LaKupa'jari ka'doroki lilanu sa'genna takkulleako ampakaingaki anne bansa nangaia angngewa.

YEREMIA 23:5

Nakana Batara, “Lanarapiki sallang wattunna, naKuangka' sitau karaeng adeleka battu ri jari-jarina Daud. Anjo karaenga lacara'deki batena ammarenta, siagang nagaukangi apa adeleka siagang annabaya ri sikontu pa'rasanganga.

YESAYA 27:6

Ri wattu labattua sallang, bansa Israel lasanrapangi poko' kayu angngaka' siagang a'bakka', siagang napirassi tompo'na buttaya siagang rappo-rapponna.

PAMMUJI 148:14

Le'ba'mi Napakajarre' bansana, sa'genna nipuji-pujimo ri umma'Na, Israel, umma' nasayanNa. Pujimi Batara!

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

PAMMUJI 51:15

Nalakupangngajarrang parentaTa mae ri tau dorakaya, sollanna ammotere' ke'nanga mae ri Katte.

YEHEZKIEL 3:27

Sallang, punna a'bicarA' pole mae ri kau, nampa Kupa'jari akkulleko ammotere' a'bicara, musti nupabattui kanangKu, iNakke, Batara Kaminang Tinggia, mae ri ke'nanga. Sipa'gang ke'nanga lappilangngeri, mingka sipa'gang maraenga tena, lanri anjo ke'nanga bansa nangai angngewaya.”

YEHEZKIEL 30:1

A'bicarami pole Batara Nakana,