YEHEZKIEL 29:18 - KITTA' MATANGKASA'

¹⁸ “He tau, Karaeng Nebukadnezar battu ri Babel nabunduki Tirus. Nasuroi sikamma tantaraya ammisang barang sanna' battala'na, sa'genna a'gondolo'mo ulunna ke'nanga siagang a'bokka'mi salangganna; mingka baji' karaenga kammayatompa tantarana tena nanggappa wassele' apa-apa battu ri anjo kaposoanna.

YEHEZKIEL 29:18 Referans Kwoze

YEREMIA 27:6

INakkemi le'ba' ampassareangi sikontu anne bansaya antama' ri kakoasanna atangKu, Nebukadnezar, karaeng Babel. Ba'lalo manna olo'-oloka le'ba' tommi Kupassareang mae ri ia untu' nakoasai.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 48:37

Le'ba' ngasemmi nacukkuru' uu'na siagang janggo'na ke'nanga, nabokkaki paling-palinna, siagang ammake kaeng karung, pammatei ri kasusaanna ke'nanga.

YEHEZKIEL 27:31

Lanri ikau nanagondolo' ulunna ke'nanga, ammake kaeng karung susa dudu. Angngarruki ke'nanga pacce nyawana angkarruki sarennu.