YEHEZKIEL 29:12 - KITTA' MATANGKASA'

¹² LaKupa'jari Mesir sino sikali, sa'genna ri sikontu pa'rasangang sino maraenga, Mesir kaminang sino. Lalang patampulo taung sallona kota-kotaya ri Mesir lattambungi a'jari loro, bella la'bi panra'na nakota-kota attambung maraenganga. Bansa Mesir laKupa'jari tau annompang ri pa'rasangang maraeng. Latassiaraki ke'nanga mange ri sikontu pa'rasangang maraeng siagang anjorengi ri tangnga-tangngana bansa maraenga ammantang.”

YEHEZKIEL 29:12 Referans Kwoze

YEHEZKIEL 30:23

LaKupasiaraki tu Mesir mange ri sikontu linoa.

YEHEZKIEL 30:7

Anjo pa'rasanganga la'jarimi sino sikali ri tangnga-tangngana pa'rasangang sino maraenga, siagang kota-kotana la'jarimi loro-loro.

YEREMIA 46:19

Sadia mako pandudu' Mesir, untu' nitahang siagang nierang a'lampa! Memfis la'jari loroi – tampa' sinoa lanri tenamo nipammantangngi.

YEHEZKIEL 30:26

LaKupasiaraki tu Mesir mange ri sikontu linoa. Na nassemmo ke'nanga angkanaya iNakke Batara.”

YEHEZKIEL 32:15

Punna Kupa'jari Mesir parang lompo sino, kammayatompa Kupanraki sikontu apa ammantanga anjoreng, lanaassemmi ke'nanga angkanaya iNakkemi Batara.