Biblia Todo Logo
Bib sou entènèt

- Piblisite -




YEHEZKIEL 28:25 - KITTA' MATANGKASA'

25 Nakana Batara Kaminang Tinggia, “LaKupasse'rei tu Israel battu ri sikamma pa'rasangang bella tampa'na ke'nanga Kupasiara', siagang sikontu bansaya lanaassengi angkanaya matangkasakKa'. Bansa Israel lammantangi ammotere' ri butta kalenna ke'nanga, iamintu butta le'baka Kupassareang mae ri atangKu Yakub.

Gade chapit la Kopi




YEHEZKIEL 28:25
33 Referans Kwoze  

LaKupasse'rei anne bansaya battu ri sikontu pa'rasangang tampa'na ke'nanga Kupasisa'la'-sa'la' lanri larroKu siagang lussakKu mae ri ke'nanga. LaKuerangi ke'nanga ammotere' mae anrinni siagang Kukellai ammantang anrinni siagang amang.


Punna le'bakko Kuerang assulu' battu ri pa'rasangang-pa'rasangang tampa'nu nipasisa'la'-sa'la', laKupasse'reko nampa Kutarima sikamma koro'bang nitununu. Nampa naassemmo sikontu bansaya angkanaya iNakke anne Allata'ala Kaminang Matangkasaka.


Jari lammantang mako ri butta le'baka Kupassareang mae ri boe-boenu. La'jariko ummakKu, siagang iNakke la'jari Allata'alanu.


INakke, Batara Kaminang Tinggia, ampaui angkana laKupa'rappungi ke'nanga battu ri sikamma pa'rasangang napammantangia ke'nanga tassiara', nampa Kupoterang butta Israel mae ri ke'nanga.


passangalinna lanri iNakke, Allata'ala mattallasaka, angngerangai umma' Israel assulu' battu ri se'reang pa'rasangang ri bageang wara', siagang battu ri sikontu pa'rasangang maraeng tampa'na ke'nanga le'ba' Kupasiara'. Lammantangi ke'nanga ri butta passolongang cera'na.”


Kipasalamaki ikambe, o Karaeng Allata'alana ikambe, Kipa'rappungi ikambe battu ri alla'na bansa-bansaya, sollanna akkulle ikambe appala' sukkuru' siagang mammuji ri areng matangkasatTa.


LaKupasuluki ke'nanga battu ri tangngana bansa-bansaya siagang pa'rasangang-pa'rasangang maraeng, nampa Kupa'rappung siagang Kuerang mange ri pa'rasangang kalenna. LaKukalawaki ke'nanga ri sikamma monconga siagang ka'bunga ri Israel, siagang Kururungang mange ri parang ruku' nyamanga.


Pabattui mae ri pandudu'na angkana iNakke, Batara Kaminang Tinggia, angkana ri ke'nanga, ‘INakke anne musunnu Sidon. LanapaleceA' taua lanri tindakangKu mae ri kau. Ri wattunna Kuhukkung pandudu'nu, naassemmi pandudu'nu angkanaya iNakkemi Batara matangkasaka.


Nakana pole Batara: “Ikau, ummakKu laKukamaseangko siagang laKupakabajiki ammotere' katallassannu ri butta passolongang cera' kalennu. Lanibangungi ammotere' Yerusalem, siagang lanipakabajiki balla' karaenna.


Mingka bansa eroka tundu' siagang a'jari ata mae ri karaeng Babel laKulappassangi ammantang ri butta passolongang cera' kalenna, siagang a'lamung-lamung anjoreng. INakke, Batara anne akkana.”


Kamma-kamma anne laKuerangi assulu' battu ri tampa'na ke'nanga nubalukang, siagang laKubalasaki kaja'dallannu mae ri ke'nanga.


Bansa Yehuda siagang bansa Israel lanipakase'rei ammotere'. Langngangkaki ke'nanga sitau pamimping, siagang la'bakkaki ke'nanga kammayatompa lakkalumanynyangi ammotere' ke'nanga ri pa'rasangang kalenna. Tojeng, allo Yizreel la'jarimi allo lompo!


LaKuerangi ke'nanga ammotere' battu ri sikamma pa'rasanganna musunna ke'nanga, siagang la'nassami katangkassangKu mae ri sikontu bansaya, lanri sikamma anjo panggaukangKu.


Kammami anjo caraKu lampappicinikangi mae ri sikontu bansaya angkanaya iNakke la'birikKa' Kumatangkasa'. Jari lanaassemmi ke'nanga angkanaya iNakkemi Batara.”


Nampa paui mae ri ke'nanga angkanaya iNakke, Batara Kaminang Tinggia, angngallei sikontu bansaKu battu ri sikamma pa'rasangang napa'lampaia ke'nanga. LaKupasse'rei ke'nanga siagang Kuerangi ammotere' mange ri pa'rasangang kalenna.


Poko'-pokoka la'rappoi, koko-kokoa langngerangi wassele', siagang sikontu taua lammantangi siagang amang ri butta kalenna. Punna le'ba'mo Kutappu' rante passikko'na ummakKu siagang le'ba'mi Kulappassang battu ri tau amparekai ata ke'nanga, naassemmi ke'nanga angkanaya iNakke Batara.


Mingka Nagaukangi Batara Kaminang Koasaya katojenganga, untu' ampappicinikangi kalompoanNa. Naadeli bansaNa untu' ampappicinikangi katangkassanNa.


Tojeng, laKupasadiangi ke'nanga parang-parang ruku' coppong ri daera monconga siagang ri sikamma lappara' ka'bunna butta Israel. Anjorengi ke'nanga lammari-mari siagang angnganre ruku' siagang amang.


Koko-koko anggoro'na laKupoterangi mae ri ia, siagang Ka'bung Kasusaanga laKupinrai a'jari pakke'bu' panrannuang. Anjoreng lanaruppaiA' sangkamma ri wattu lolona, ri wattu beru assulu'na battu ri Mesir.


Battu ri Mesirki lania' battu ke'nanga sanrapang jangang-janganga linta'na, siagang battu ri Asyur rapang jangang-jangang bodobangkeng. Nampa laKuerang ammotere' ke'nanga mange ri balla'na. INakke, Batara, anne akkana.”


Nakana Batara, “Iaminne pasangKu ri passala'na bansa-bansa singngampi'na Israel, ampanrakiai pa'rasangang Kupassareanga mae ri ummakKu Israel. Rapang lamung-lamung nibi'buka battu ri buttaya, kamma tomminjo sikamma tau ja'dalaka laKupasuluki battu ri sikamma pa'rasanganna ke'nanga, kammayatompa laKulappassangi Yehuda battu ri panna'gallanna ke'nanga.


Swiv nou:

Piblisite


Piblisite