YEHEZKIEL 28:15 - KITTA' MATANGKASA'

¹⁵ Panggaukannu sangga baji'na baku'nu nipa'jari sa'gennu appakkaramula a'gau' ja'dala'.

YEHEZKIEL 28:15 Referans Kwoze

2 PETRUS 2:4

Manna malaeka'-malaeka' dorakaya tena todong nalata'lappasa' battu ri hukkunganNa Allata'ala. Lanipela' tongi ke'nanga antama' ri naraka. Nipantamaki ke'nanga ri tampa' sassanga, nanitahang anjoreng sa'genna narapi' Allo Pangadelanga.

ROMA 7:9

Riolo tena nakuassengi anjo hukkung-hukkung agamaya ilalang tallasakku. Mingka ri wattunna ammumbamo anjo hukkung-hukkung agamaya, appakkaramulami attallasa' dosaya, nakumatemo inakke.

YEHEZKIEL 28:12

“He tau, appiraungko untu' karaeng Tirus. Pabattui apa Kupaua, iNakke, Batara Kaminang Tinggia, mae ri ia angkana, ‘Le'bakko a'jari pangngebarang ri apa nikanaya sangga; riolo ikau sanna' cara'de'nu siagang gammarakko.

PIRAUNG 5:16

Tenami kalompoanna ikambe cilakami ikambe napakamma doraka.

YESAYA 14:12

He karaeng Babel, riolo ikau bintoeng bari'basa' accayaya, mingka kamma-kamma anne tu'guru' mako battu rate ri langika! Riolo nubetai bansa-bansaya, mingka kamma-kamma anne nipasambilamako ri buttaya.

KATO'BA 7:29

Poro iaji anne bawang kugappa: Napa'jari tubiasaki' Allata'ala siagang tena sukkara'na. Mingka kalenta tonji ampa'jari sukkaraki kalenta.

PANGNGEBARANG 14:34

Kaadelanga siagang kabajikanga naangkaki areng baji'na bansaya, mingka dosaya ampa'jari tunai bansaya.

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.