YEHEZKIEL 28:14 - KITTA' MATANGKASA'

¹⁴ Malaeka' appakamallaka laKuboliki anjoreng untu' anjagaiko. Ammantangko irate ri bulu' matangkasakKu siagang a'jappako ri tangnga-tangngana batu paramata accilla'-cillaka.

YEHEZKIEL 28:14 Referans Kwoze

KALAPPASSANG 30:26

Pakei anjo campuranga untu' amminynyaki KemaKu, Patti Parjanjianga,

YEHEZKIEL 28:13

Tampa' pammantangannu ri Eden, iamintu kokonNa Allata'ala. Pakeannu nibelo-beloi sangka' rupa paramata: paramata batu delima siagang intang, topasa', batu pirusu', batu yaku', ratna, campaka, batu nilang, samru' siagang batu alkali eja. Belo-belo bulaennu jai todong. Anjo barang-barang kammaya nipareki untu' ikau ri allo nipa'jarinu.

YEHEZKIEL 20:40

Nasaba' ri butta Israel, ri coppo' bulukKu matangkasaka, ikau ngaseng, bansa Israel lanynyombako mae ri Nakke. Anjoreng lasannangi nyawaKu mae ri kau siagang erokKa' antarimai koro'bang-koro'bannu, passare-passarenu kaminang bajika siagang passare-passare nusa'laka.

KALAPPASSANG 40:9

Nampa anjo Kemaya siagang sikontu pakkakasa'na musti nupassareangi mae ri Nakke; minynyaki ngasengi siagang minynya' upacara sollanna a'jari matangkasa' ngaseng siagang nisa'la' untu' iNakke.

KALAPPASSANG 9:16

Mingka Kulappassang ngasengko attallasa', sollanna akkulle Kupappicinikang kakoasangKu mae ri kau, sa'genna a'jari masahoro' arengKu ri sikontu linoa.

PAPPICINI' 18:16

nampa angkana, “Adudu, teai sipato' cilakana anne kota masahoroka! Biasana ammakei kaeng lenang, kaeng lango-lango siagang kaeng eja a'rinraya tanja'na; biasana rassi kalenna belo-belo bulaeng, paramata siagang mutiara!

PAPPICINI' 9:17

Na lalang paccinikku, kuciniki anjo jaranga siagang sikontu pabaena. Anjo pabaena ammake ngasengi baju bassi sannaka ejana siagang a'rinraya tanja'na, gau' siagang kunyi' accaya. Anjo jaranga sangkamma ngasengi singa ulunna; na nia' pepe', umbu, siagang bara pepe' assulu' battu ri bawana.

2 TESALONIKA 2:4

Lalang katampoanna nalanaewa siagang lanapakatinggi kalenna irateanganna sikamma nasombaya rupataua, yareka sikamma apa nakanaya rewata rupataua. Ba'lalo lammempoi lalang ri Balla'Na Allata'ala, nampa nakana kalenna iami Allata'ala.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

YEHEZKIEL 28:2

“He tau, pabattui mae ri karaeng Tirus apa Kupaua, iNakke, Batara Kaminang Tinggia, mae ri ia, angkana, ‘Tampoko ampaui kalennu angkana rewatako ammarentaya ri tangnga-tangngana tamparanga. Akkulleko nukana kalennu rewata, mingka u'rangi, angkanaya ikau poro tau biasajako bawang.

YESAYA 10:15

Mingka Nakana Batara, “Maka akkullei napattampoang kalenna pangkuluka mae ri tau ampakei ammangkulu'? Maka la'bi paralluangangi garagajia na tau ampagaragajiai? Teai palu-palua angngangkaki taua, passangalinna tauaji angngangkaki palu-palua.”

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YOHANES 11:51

Sikontutojenna, teai battu ri pikkirang kalenna nakkana kamma anjo Kayafas. Mingka salaku imang lompo anjo taunga napabattu la'bi riolomi angkanaya lamatei Isa untu' bansa Yahudia.

PIRAUNG 2:1

Nagaukangi Batara larroNa, nitongkoki Sion ri sassang. Kala'biranna Israel rapang langika tinggina, Napatappasa'mi naung ri buttaya. Ri wattu larroNa Batara, manna Balla'Na ri Sion taNajampangi.

YEHEZKIEL 10:18

Nampa caya accillaka, iamintu pammatei kahaderanNa Batara, nabokoi pakke'bu' antamaka ri Balla'Na Batara siagang a'letteki nai' ri anjo malaeka'-malaeka' akka'nyika.